web counter
LEXO PA REKLAMA!

SHKARKO APP

App Store
Google Play

ZYRTARE/ Merr fund makthi, qeveria britanike licencon shitjen e Çelsit për shifrën marramendëse

25 Maj 2022, 10:14, Sport CNA

Qeveria britanike u ka dhënë fund dyshimeve për të ardhmen e klubit të Çelsit duke lëshuar një licencë të veçantë për shitjen e bluve dhe kalimin e pronësisë nga Roman Abramoviç, te Tod Behli.

Premier Liga i dha dritën e gjelbër kalimit të pronësisë të martën në darkë dhe në mëngjesin e sotëm. Edhe qeveria britanike ka bërë të njëjtën gjë duke zyrtarizuar kalimin e pronësisë te Behli, i cili ka bërë gati një paketë prej 4,25 miliardë paundësh.

Pas negociatash që zgjatën thuajse një muaj, qeveria britanike u bind se të ardhurat nga shitja nuk do të përfundonin në duart e personave të sanksionuar si pasojë e luftës në Ukrainë apo edhe vetë Abramoviçit, me këtë të fundit që ka hequr dorë nga përfitimet e tij dhe ka vendosur të kalojë një pjesë të majme për zhvillimin sportiv të klubit.

?Në natën e kaluar, qeveria e Mbretërisë së Bashkuar arriti në një pozitë ku mund të lëshonte një licencë që i lejon shitjen e klubit të Çelsit?, shkruante njoftimi i qeverisë britanike e cila theksoi se të ardhurat nga shitja do të përdoreshin edhe për bamirësi në Ukrainë dhe për të mbështetur viktimat e luftës për të cilën u ndëshkua oligarku rus duke i hequr klubin.

Ndërkohë, ?The Times? bën të ditur se Marina Granovskaia do të përfitojë 20 milionë paund si negociatore e shitjes, ndërsa Brus Bak, 30 milionë paund. Pritet gjithashtu që Behli të lëvrojë rreth 200 milionë paund për përforcimin e ekipit në verë.





Lajmet e fundit nga