E fundit!

07:46 Ekonomi

Çmimet e konsumit në të gjithë Evropën/ Vendet më të shtrenjta dhe më të lira, ja ku renditet Shqipëria

Nga Islanda në Maqedoninë e Veriut, çmimet e konsumit ndry...

Lia e majmunëve/ IKSHPK: Nuk ka raste të dyshuara në Kosovë

23 Maj 2022, 15:18, Kosova & Bota CNA

Instituti Kombëtar i Shëndetësisë Publike të Kosovës, ka reaguar në lidhje me epidemiologjinë e Lisë së Majmunëve, teksa janë konfirmuar mbi 100 raste jashtë kontinentit të Afrikës, në SHBA, Europë dhe Izrael.

IKSHPK bën me dije se po ndjek me vëmendje epidemiologjinë dhe raporton deri më tani se në Kosovë nuk është raportuar asnjë rast i dyshimtë.

?IKSHPK ka përpiluar dokumentin e parë, me rekomandime dhe masa për institucionet shëndetësore sa i përket sëmundjes së lisë së majmunëve, i cili është shpërndarë të gjitha institucioneve shëndetësore në vend, dhe do të përditësohet me të dhënat e reja.

Ju njoftojmë se jemi në komunikim t vazhdueshëm me OBSH-në dhe ECDC-në, për vlerësimin e rrezikshmërisë dhe rekomandimeve për masat që duhet ndërmarrë për sëmundjen në fjalë.

Sa i përket furnizimit me vaksina për një sëmundje të tillë, IKSHP njofton se vaksina ende nuk është e disponueshme për distribuim dhe ekziston në botë vetëm vaksina kundër Variola Vera?, thuhet ndër të tjera në njoftim.

IKSHPK deklaron se po monitoron nga afër situatën epidemiologjike në shtetet e rajonit dhe në botë, dhe thekson se konform situatës do të njoftojë qytetarët menjëherë në kohë reale.

Disa informacione për linë e majmunëve:

Lia e majmunëve shkaktohet nga virusi i lisë së majmunëve, anëtar i gjinisë Orthopoxvirus në familjen Poxviridae;

Lia e majmunëve është sëmundje zoonotike virale që shfaqet kryesisht në zonat tropikale të pyjeve të Afrikës Qendrore dhe Perëndimore dhe herë pas here eksportohet në rajone të tjera;

Lia e majmunëve zakonisht shfaqet klinikisht me ethe, skuqje dhe ënjtje të nyjeve limfatike dhe mund të çojë në sërë komplikimesh mjekësore;

Lia e majmunëve është zakonisht sëmundje me simptoma të kufizuara që zgjasin nga 2 deri në 4 javë. Mund të ndodhin raste të rënda. Kohët e fundit, raporti i fatalitetit të rasteve ka qenë rreth 3-6%;

Lia e majmunit transmetohet te njerëzit nëpërmjet kontaktit të ngushtë me persona ose kafshë të infektuara, ose me material të kontaminuar me virusin;

Virusi i lisë së majmunit transmetohet nga një person te tjetri nëpërmjet kontaktit të ngushtë me lezione, lëngje trupore, pika të frymëmarrjes dhe materiale të kontaminuara si shtrati;

Paraqitja klinike e lisë së majmunëve i ngjan asaj të lisë, një infeksion i lidhur me ortopoksvirusin i cili u shpall i çrrënjosur në mbarë botën në vitin 1980. Lia e majmunëve është më pak ngjitëse se lia dhe shkakton sëmundje më pak të rënda;

Vaksinat e përdorura gjatë programit të çrrënjosjes së lisë ofruan gjithashtu mbrojtje kundër lisë së majmunëve. Janë zhvilluar vaksina më të reja nga të cilat njëra është miratuar për parandalimin e lisë së majmunëve;

Një agjent antiviral i zhvilluar për trajtimin e lisë është licencuar gjithashtu për trajtimin e lisë së majmunëve./ CNA.al