web counter
LEXO PA REKLAMA!

SHKARKO APP

App Store
Google Play

E fundit!

x

Rama: Shqipëria do të bëjë çmos që flamuri italian i Romës të ngrihet në ballkonin më të lartë të Europës

18 Maj 2022, 05:45, Sport CNA

Finalja e Ligës së Konferencës, mes Romës dhe Fejnordit, do të jetë një nga eventet më të rëndësishme futbollistike të mbajtura ndonjëherë në tokën shqiptare. Kjo finale e cila do të zhvillohet më 25 maj, e ka shndërruar Tiranën në një nga destinacionet më të kërkuara të momentit, kryesisht nga tifozët e Romës dhe ata të Fejnordit. Jashtë këtij evenimenti madhështor nuk ka qëndruar as kryeministri Edi Rama, i cili së fundmi ka dhënë një intervistë ekskluzive për median prestigjioze italiane, ?Tuttosport?, e cila është botuar sot.

Ndërkohë, nëpërmjet një video-mesazhi të regjistruar nga makina e tij, Rama, e ka shprehur hapur mbështetjen e tij për skuadrën italiane. ?Në radhë të parë përshëndes të gjithë juventinët. Kërkoj ndjesë, por këtu në Shqipëri të gjithë bëjmë tifo me Romën. Për fat të keq, është ende Roma ajo që mban lart flamurin e futbollit italian.

Në një vit ku gjërat nuk kanë shkuar mirë për futbollin italian, Shqipëria do të bëjë çmos që ai flamur italian i Romës të ngrihet në ballkonin më të lartë të Europës me një kupë. I përshëndes të gjithë lexuesit e ?Tuttosport?, që tashmë do të gjejnë një intervistë timen në gazetë. Dhe përfitoj që t?u them të gjithë romanistëve që ju presim krahëhapur në një nga stadiumet më të bukura të Europës për të mbështetur Romën. Forca Roma, forca Italia dhe forca Juventus, por vitin tjetër?, ishin fjalët e Ramës në videon e postuar nga ?Tuttosport?.





Lajmet e fundit nga