web counter
LEXO PA REKLAMA!

SHKARKO APP

App Store
Google Play

E fundit!

x

Partizani bën "pazar" në Korçë, tenton dy lojtarët e Skënderbeut

12 Maj 2022, 11:32, Sport CNA

Merkatoja e Partizanit nis nga difensiva dhe ?shopping?-u që po bëhet në Korçë, aty ku po përgatiten psikologjikisht për rënien në të Parën. Portieri Bekim Rexhepi dhe mbrojtësi Leard Sadriu janë dy dëshirat e mëdha të të kuqve, teksa drejtuesit e Partizanit kanë kontaktuar personalisht të dy lojtarët për një transferim të mundshëm të tyre në kryeqytet në mbyllje të këtij edicioni.

Të dy janë te Skënderbeu në formë huazimi nga Shkëndija dhe kanë kontratë deri në verën e vitit 2023 në ekipin shqiptar të Maqedonisë së Veriut. Gjithsesi, në Tetovë janë gati t?ia ?dhurojnë? Partizanit të dy lojtarët. Bekim Rexhepi nuk gëzon besimin e drejtuesve atje dhe për portën është kontaktuar Alen Sherri, teksa Sadriu nuk ka vend për të luajtur rregullisht te kuqezinjtë.

Këto, por edhe fakti tjetër që asnjëri prej tyre nuk ka shkëlqyer sa duhet për të qëndruar te Shkëndija, ia bën Partizanit ?autostradë? rrugën për te dyshja. Sadriu ka qenë titullar absolut te Skënderbeu, si nën drejtimin e Memellit, ashtu edhe pas ardhjes së Gegës. Zbarkimi i 21-vjeçarit në klubin e kuq do ta rriste ndjeshëm konkurrencën në difensivë, ku edhe Sota po shpreson të jetë titullar në sezonin e ri. Nga ana tjetër, në rast se largohet Hoxha, Rexhepi pritet ta ketë të sigurt vendin mes katërkëndëshit, me Aldo Teqjen që do të jetë i gatshëm të përfitojë në rast dobësie të 25- vjeçarit nga Shkupi.





Lajmet e fundit nga