E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

Gara për titullin në Serinë A, Milani mund të shpallet kampion që këtë javë

10 Maj 2022, 07:20, Sport CNA

Pas fitores në Verona, Milani u rikthye në krye të Serisë A me 2 pikë epërsi ndaj Interit (80 pikë kundrejt 78), me vetëm dy ndeshje të mbetura deri në fund të kampionatit. Pavarësisht rezultateve të kushërinjve, ?Djallit? i mungojnë 4 pikë për të fituar aritmetikisht titullin, por kuqezinjtë mund të festojnë që të dielën në mbrëmje.

Milani pret Atalantën në orën 18:00, ndërsa Interi do të dalë në fushë menjëherë më pas, në orën 20:45 kundër Kaljarit që ka ndoshta shansin e fundit për të tentuar të mbajë gjallë garën për të mos zbritur në Serinë A. Skuadra e Piolit është kampione nëse mposht ekipin e Gasperinit dhe Interi nuk fiton ndaj sardëve. Në atë pikë Milani do të ishte i paarritshëm në 83 pikë (me kushërinjtë në 79 nëse barazonin ose ndaleshin në 78 në rast humbjeje).

Rasti i tretë: Milani barazon me Atalantën dhe Interi humbet. Klasifikimi do të ishte: Milani 81 dhe Interi 78, me vetëm tri pikë në dispozicion ditën e fundit. Por me të dyja skuadrat me 81 pikë, Milani do të ishte sërish kampion sepse ka avantazhin në ndeshjet direkte (1-1 dhe 2-1 për kuqezinjtë).

Në të gjitha rastet e tjera, gjithçka do të shtyhej për javën e fundit, kur Milani do të luajë ndaj Sasuolos dhe Interi në ?San Siro? me Sampdorian që me gjasë do të ketë siguruar mbijetesën në Serinë A.