web counter
LEXO PA REKLAMA!

SHKARKO APP

App Store
Google Play

E fundit!

x

Klube të njohura europiane shfaqin interesim për Keidi Baren

8 Maj 2022, 05:58, Sport CNA

Keidi Bare ka shkëlqyer në vitin e tij të parë në La Liga. Kush ka pasur dyshime për aftësitë e futbollistit shqiptar, duhet të ketë ndërruar shpejt mendje pasi mesfushori është kthyer në një nga pikat fikse të formacionit të Espanjolit. Dhe tani ka ardhur momenti që të marrë frytet e kësaj paraqitjeje të shkëlqyer që ka bërë në vitin e tij të parë në elitën e futbollit spanjoll.

E përditshmja ?AS? ka bërë të ditur se Bare ka tërhequr interesin e klubeve nga Seria A, Bundesliga dhe Premier Liga. Një interesim që ka vënë në lëvizje Espanjolin, që tani është gati ta paguajë më shumë.

Mesfushori ka kontratë edhe për dy vite të tjera me klubin, i cili ka vendosur që të shpërblejë paraqitjet e tij me një përmirësim të ndjeshëm të rrogës, e ndoshta edhe me zgjatjen e marrëveshjes ekzistuese meqë tashmë financat ia lejojnë.

Sipas ?AS?, palët do të ulen së shpejti në tavolinën e bisedimeve, me Espanjolin që do të përmirësojë pagën e Bares, pasi e mendon të arsyeshme që t?i japë fund trajtimit financiar në nivele të ulëta të një lojtari, i cili është kthyer një ndër idhujt e tifozerisë. Një lëvizje për të shmangur edhe ndonjë konkretizim interesi nga skuadrat jashtë Spanjës që e monitorojnë, e për të garantuar që 24-vjecari të mbetet pjesë e projektit të katalanasve.





Lajmet e fundit nga