E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

“Bota gënjen, Rama po thotë të vërtetën!”/ Ironia e deputetit demokrat

3 Maj 2022, 14:17, Aktualitet CNA

Shqipëria ka rënë në nivelin më të ulët historik në Indeksin Botëror të Lirisë së Shtypit duke u renditur në vendin e 103 nga 180 në 2022.Pra ka zbritur me 20 vende në vetëm një vit. Shqipëria u rendit në vendin e 83 vitin e kaluar, një vend më lart nga 84 në 2019.

Lidhur me këtë ka reaguar dhe deputeti demokrat, Belind Këlliçi i cili shkruan se me renditjen e këtij viti, Shqipëria i bën shoqëri Çadit, Republikës së Afrikës Qendrore, Angolës dhe ishujve Fixhi.

Rama vijon ta kundërshtojë raportin ndërsa thotë bota gënjen, shton më tej Këlliçi.

?Reporterët pa Kufij raportojnë se Shqipëria ka rënë në nivelin më të ulët historik në Indeksin Botëror të Lirisë së Shtypit.

Rënie me 20 vende në renditje në vetëm një vit!

Pavarësia editoriale kërcënohet, integriteti fizik i gazetarëve cënohet nga krimi i organizuar dhe nga dhuna policore. Shteti ka dështuar në mbrojtjen e tyre.

Vetëm një pjesë e vogël e mediave shqiptare kanë një model të qëndrueshëm biznesi dhe financim transparent. Kjo çon në një problem të referuar nga RSF si “trafikim me ndikim”.

Presioni politik u rrit gjatë vitit 2021, me përpjekjet për të kontrolluar informacionin gjatë pandemisë dhe zgjedhjeve të përgjithshme.

Gazetarët kritikë ndaj qeverisë përballen me sulme të rregullta politike, kanë probleme në aksesin e informacionit politik, diçka që përkeqësohet nga centralizimi i fundit i komunikimit qeveritar, i njohur ndryshe si Agjencia e Medias dhe Informacionit.

Në raport përmendet ?paketa anti-shpifje?, që është ende në axhendën politike të Edi Ramës, me të cilën ai synon të kontrollojë përmbajtjen e mediave online.

Me renditjen e këtij viti, Shqipëria i bën shoqëri Çadit, Republikës së Afrikës Qendrore, Angolës dhe ishujve Fixhi. Përpara nesh janë si gjithnjë Serbia, Kosova, Mali i Zi, Maqedonia e Veriut dhe Bosnjë e Hercegovina.

Koka e qeverisë e kundërshtoi raportin. Gënjen bota, vetëm Rama thotë të vërtetën.?/CNA.al