E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Gazetari thirrje demokratëve korçarë/ “Votoni Mateo Ballin, do e çojë degën në fitore”

23 Prill 2022, 16:41, Politikë CNA

Gazetari Agim Xhafka ka bërë një thirrje për të gjithë demokratët korçarë, të cilët të hënën e 25 prillit do të votojnë për kryetarin e ri të degës së PD.

Xhafka i kërkon demokratëve të votojnë për Mateo Ballin, ndërsa rendit edhe arsyet pse ia bën sot këtë kërkesë korçarëve.

Ai thekson se Mateo do bashkimin e PD-së, do një garë serioze, respekton rivalët e i quan ata, miqtë e mij dhe ka ambicie ta çojë degën në fitore.

?Në 25 prill demokratët e Korçës do votojnë për kryetarin e ri të PD në këtë qytet. Unë nuk e di se cilët janë gjithë kandidatët, ama si korçar i vjetër, lindur aty e më rreh zemra për aty çdo sekondë do e hidhja votën për Mateo Ballin. Nuk jam takuar asnjëherë e askund me të, por e kam mik në fb e nga sa kam lexuar te profili i tij them:

-Mateo do bashkimin e PD

-Mateo do një garë serioze.

-Mateo respekton rivalët e i quan ata, miqtë e mij.

-Mateo ka ambicie ta çojë degën në fitore.

Nuk janë pak për një kandidat. Për më tepër ka qënë propozuar qysh më 2018 të ishte kandidat për kryetar. Po ai ka falenderuar atëherë e nuk ka pranuar. Ndoshta për t?u pjekur më shumë, ndoshta se ka pritur 25 prillin e 2022, pra pas dy ditësh.

Sigurisht që pyeta miq e shokë për Mateon. Më thanë se është jurist, se është avokat, se është audit me çertifikatë nga Ministria e Financave. Pra një kandidaturë e plotë. Shtoj që është dhe i ri, plot 34 vjeç. Një moshë me aftësi maksimale.

E lashë për në fund shprehjen që më erdhi pasi pyeta, ku punon Mateo? Punon demokrat, më thanë. Këtë ka profesionin e parë. Së dyti, punon shok. Kështu i quan të gjithë ata që i ka në krah, ose konkurentë.

Si korçar i vjetër, që po u lutem ta votoni këtë deli djalë, shtoj dhe këtë, që për brezin tonë ishte frymëzuese.

-Mateo rrjedh nga fisi Balli. Një trung fisnikësh që nga themelimi i qytetit e deri vonë. Derë që e ka dashur Korçën, e ka pasuruar atë dhe e ka zbukuruar brez pas brezi. Fati e solli që në krye të PD të rreshtohet si kandidat për kryetar një djalosh me gjak Balli. Unë nuk do hezitoja për të, historia tregon se ai fis e ka dashur Korçën sa familjen. Kaq nuk është pak. Është shumë?, shkruan gazetari në një status në rrjetet sociale./ CNA.al