web counter
LEXO PA REKLAMA!

SHKARKO APP

App Store
Google Play

E fundit!

x

“Ne i lëmë pa gjumë natën”/ Kryemadhi paralajmëron “listë” kallëzimesh në prokurori

22 Prill 2022, 11:43, Politikë CNA

Kryetarja e LSI, Monika Kryemadhi ka zhvilluar një takim me krerët e degëve të kësaj force politike, në të gjithë vendin.

Gjatë fjalës së saj, Kryemadhi deklaroi se e di që për ta ka qenë i vështirë sepse sipas saj presioni i qeverisë ndaj LSI ka qenë i jashtëzakonshëm.

Ajo u ndal edhe te afera e inceneratorëve, ndërsa theksoi se është një nga dëmet më të mëdha ndaj Shqipërisë.

Po ashtu kryetarja e LSI paralajmëroi të tjera kallëzime në prokurori.

?E di që është e vështirë. Presioni i qeverisë ndaj LSI-së është i jashtëzakonshëm. Pema që ka kokrra gjuhet, Ne ekzistojmë. I lëmë pa gjumë natën. I bezdisim. Ne kemi marrë vota për 11 mandate në zgjedhjet e 25 Prillit.

Paratë e Inceneratorëve kanë qenë të hedhur kundër LSI. Kapja e opozitës me paratë e Inceneratorëve ishte një nga dëmet më të mëdha ndaj Shqipërisë. U thye shpresa e ndryshimit. Shqiptarët besonin në ndryshim po tradhtia do i kushtojë edhe të ardhmes së Shqipërisë. Secili nga ne e ka të domosdoshme për të gjetur veten në betejat që do vijnë?, deklaroi Kryemadhi.

Ajo u shpreh se ka ardhur koha të nisin me një energji të re ndërsa paralajmëroi një sërë denoncimesh në prokurori.

?Ka ardhur koha të ristartojmë me energji të re dhe një passion që gjendet brenda nesh. Kemi mundësi pa fund për të ristartuar dhe për të riorganizuar. Po bëjmë gati një listë të madhe denoncimesh që do ia dërgojmë prokurorisë. Edhe pse shumë gjëra zvarriten kur bëhet fjala për mbështetësit e qeverisë. Nuk kemi frikë për ta evidentuar?, u shpreh Kryemadhi./CNA.al





Lajmet e fundit nga