web counter
LEXO PA REKLAMA!

SHKARKO APP

App Store
Google Play

E fundit!

x

KLP vazhdon me prokurorë “shëtitës” / Emrat e drejtuesve  të komanduar

22 Prill 2022, 11:32, Aktualitet CNA

Këshilli i Lartë i Prokurorisë ka vendosur unanimisht miratimin e projekt-akteve për caktimet e përkohshme në pozicionin Prokuror për zonjën Elidjana Kasa, në Prokurorinë pranë Gjykatës së Apelit Tiranë.

Ndërkohë, me 8 (tetë) vota pro, 1 kundër (z.Sokol Stojani) dhe në mungesë të zotit Zeqir Hoda, pas deklarimit të konfliktit të interesit nga ana e tij, Këshilli miratoi edhe projekt-aktin për caktimin e përkohshëm në pozicionin Prokuror, të zotit Kujtim Basha, në Prokurorinë pranë Gjykatës së Apelit Durrës.

Në vijim, janë miratuar unanimisht caktimet e përkohshme për katër (4) Drejtues të zyrave të prokurorive si vijon; –

Miratimi i projekt ? aktit për caktimin e përkohshëm të zotit Asllan Bajramaj, në detyrën e Drejtuesit të Prokurorisë pranë Gjykatës së Shkallës së Parë Përmet.; –

Miratimin e projekt ? aktit për caktimin e përkohshëm të zotit Kledian Llaho, në detyrën e Drejtuesit të Prokurorisë pranë Gjykatës së Shkallës së Parë Sarandë; –

Miratimin e projekt ? aktit për caktimin e përkohshëm të zotit Aurel Zarka, në detyrën e Drejtuesit të Prokurorisë pranë Gjykatës së Shkallës së Parë Vlorë; –

Miratimin e projekt ? aktit për caktimin e përkohshëm të zotit Moisi Duda, në detyrën e Drejtuesit të Prokurorisë pranë Gjykatës së Apelit Durrës.

Me propozim të Komisionit të Zhvillimit të Karrierës, Këshilli vendosi unanimisht të miratojë projekt-aktin për mbarimin e statusit të magjistratit për zotin Brahim Dragjoshi, prokuror pranë Prokurorisë pranë Gjykatës së Apelit Shkodër si dhe pranimin e kërkesës dhe miratimin e qëndrimit në detyrë të magjistratit z. Thoma Jano, deri në mbushjen e moshës 70 vjeç.

Më pas, mbledhja ka vijuar me miratimin unanim të dy (2) ?Raporteve të analizimit të aftësisë profesionale të subjekteve të rivlerësimit, zotit Kudusi Shahu dhe zotit Bajram Breçani?.

Në përfundim, është hedhur shorti për caktimin e relatorit në lidhje me procedurën për ngritjen në detyrë të Drejtuesit të Prokurorisë pranë Gjykatës së Shkallës së Parë Kavajë, nga i cili është përzgjedhur anëtari i Këshillit të Lartë të Prokurorisë, zoti Bujar Sheshi./CNA.al





Lajmet e fundit nga