web counter
LEXO PA REKLAMA!

SHKARKO APP

App Store
Google Play

Sa i ka prekur shqiptarët rritja e çmimeve

21 Prill 2022, 20:12, Aktualitet CNA

Të gjithë shqiptarët e kanë ndjerë rritjen e çmimeve gjatë muajve të fundit.

Ata rritjen e kanë ndjerë më shumë tek ushqimet e përditshme (98,6%), karburantet (77,4%) dhe transporti publik (27,5%).

Barometri në Euronews Albania pyeti shqiptarët si e kanë përjetuar rritjen e çmimeve të muajve të fundit si dhe mënyrën e përballimit të kësaj krize.

Më shumë se gjysma e qytetarëve (54%) thonë se po shpenzojnë më pak për të përballuar rritjen e çmimeve. Më shumë se një në tre shqiptarë (35%) ka hequr dorë nga disa shpenzime dhe thuajse aq (32%) janë qytetarët që po blejnë gjëra më të lira për shkak të krizës së çmimeve.

Përgjegjëse kryesore për këtë rritje, për pjesën dërrmuese të qytetarëve shqiptarë (79%), është lufta në Ukrainë.

Gjithsesi, rritjen e çmimeve e ka sjellë edhe keqqeverisja. 55% e shqiptarëve të pyetur kanë dhënë këtë përgjigje.

Gjetjet janë të sondazhit të Barometrit në Euronews Albania, kryer nga MRB dhe Data Centrum në datat 25 Mars deri në 5 Prill, në nivel kombëtar me 1000 intervista ballë për ballë.





Lajmet e fundit nga