Përballje emocionuese/ Rodrigo ringjall madrilenët, barazohen shifrat e ndeshjes së parë (VIDEO)

12 Prill 2022, 20:47, Sport CNA

Real Madrid dhe Çelsi luajnë sot duelin e kthimit në Ligën e Kampioneve duke kërkuar një biletë në gjysmëfinalet e turneut. Një ndeshje për historinë, pasi Reali ka një avantazh prej dy golash pas fitores 3-1 në transfertë dhe nuk ka humbur kurrë me dy gola diferencë në shtëpi ndaj skuadrave angleze.

Kështu Çelsit do t?i duhet të shkruajë historinë sot nëse kërkon të vazhdojë të mbrojë titullin e fituar në sezonin e kaluar. Trajneri Tuhel mendon se mund ta bëjë një gjë të tillë më disa ndryshime në rreshtim, duke lënë jashtë Kristensen, Azpilikueta e Zhorzhinjo, për të aktivizuar Markos Alonso, Loftus-Çik e Kovaçiç nga minuta e parë. Në sulm ndërkohë shfaqet Verner nga minuta e parë dhe jo Pulishiç.

Në anën tjetër, Ançeloti ka zgjedhur thuajse të njëjtin rreshtim, me mungesën e vetme atë të Militaos të pezulluar, vendin e të cilit e ka marrë Naço ne qendër të prapavijës.

REAL MADRID-ÇELSI 1-3
80? Rodrigo / 15? Maunt, 51? Rudiger, 75? Verner

NGJARJET KRYESORE

82? Gjuajtje e fortë e Modriç, Mendi është i vëmendshëm dhe ndalon tentativën drejt kuadratit.

80? GOOOL Real Madrid. Rodrigo i sapofutur në lojë përfiton nga një pasim nga e majta dhe dërgon sferën në rrjetë duke vendosur barazinë në këtë sfidë.

75? GOOOL Çelsi. Ngrin ?Bernabeu? pas një aksioni të shkëlqyer të Verner i cili pasi shmang dy mbrojtës gjuan nga e majta dhe pavarësisht devijimit të Kurtua, sfera shkon në rrjetë.

66? Benzema i shkon afër golit të parë për madrilenët kur pas një krosi nga e majta, godet me kokë, por sfera përplaset në traversë.

62? Shënon Çelsi me Markos Alonso dhe nis festën e çmendur të londinezëve. Por pas rishikimit me VAR, rezulton se mbrojtësi ka prekur sferën me dorë para gjuajtës dhe goli anulohet.

57? Kundërzbritje e shpejtë e Çelsit me Kai havertz në të majtën, sulmuesi arrin deri pranë zonës së vogël por gjuajtja e tij gjen vetëm rrjetën e jashtme.

55? Goditje dënimi e Kros i cili nis harkimin drejt trekëndëshit, Mendi fluturon dhe grushton sferën.

51? GOOOOL Çelsi. Pas një goditje nga këndi, Rudiger me kokë çon topin në rrjetë dhe rezultatin në 2-0, duke barazpeshuar duelin.

34? Gjuajtje nga distanca e Rudiger i cili kërkon supergolin. Sfera përfundon jashtë, jo shumë larg shtyllës në të majtë të Kurtua.

23? Gjuajtje e fortë e Benzema në kufijtë e zonës, topi devijohet dhe kalon mbi traversën e portës së mbrojtur nga Mendi.

15? Aksion në qendër i Çelsit me kombinimin e Verner me Maunt. Ky i fundit mposht Kurtua me një gjuajtje të saktë.