E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Skënder Gega: Edhe tetë javë jam trajner i Skënderbeut

11 Prill 2022, 06:26, Sport CNA

Skënderbeu humbi thellë përballë Tiranës në shtëpi me shifrat 0-4, duke u zhytur akoma dhe më thellë në krizën e rezultateve dhe duke prerë përpara kohe biletën për të luajtur në Kategorinë e Parë sezonin e ardhshëm. Në intervistën pas ndeshjes tekniku i korçarëve, Skënder Gega, dha opinionin e tij për këtë sfidë, ndërsa deklaroi se do qëndrojë në Korçë edhe 8 javët e mbetura dhe më pas me shumë gjasa do largohet.

?Ndjej keqardhje për humbjen. Me meritë të plotë Tirana e ka dominuar kampionatin. Ne e dinim që sot na mungonin titullarët. Por besoj se edhe dëshira për të marrë maksimumin na penalizoi. Ky është futbolli. Më vjen keq sepse nuk e bëj dot analizën e kësaj ndeshje.

Jam në kontakt, sepse nuk e dija që do ta merrja ekipin. Ishte një vendim që e mora në moment. Unë e kam moralin, por kam folur me skuadrën dhe ata duhet të luajnë si profesionistë. Nesër do të ulem me ekipin të flasim dhe të mos shohim hallet e të tjerëve, sepse nuk e pa kush hallin e Skënderbeut. Nuk e kam idenë për klubin se çfarë projekti ka. Edhe tetë javë do të jem trajneri i Skënderbeut dhe do mundohem t?i jap këtij qyteti energjitë e mija.

Nuk kam kontratë dhe nuk kam folur kurrë për kontratën. E mora përsipër që të ndihmoja sadopak. Nuk jam këtu që të shes lojtarë. Për aq kohë sa do jem këtu do të jap maksimumin. Problemi është që ne njihemi të gjithë. Nga ana profesionale nuk mund të mendoj për hallet e të tjerëve. Unë sot përfaqësoj Skënderbeun dhe jemi në këtë situatë. Ky qytet më ka dhënë kënaqësi të madhe, prandaj erdha?, u shpreh Gega.