web counter
LEXO PA REKLAMA!

SHKARKO APP

App Store
Google Play

E fundit!

x

Avioni me drogë u rrëzua në Vermosh/ Kërcënohet kryeplaku që dha dëshminë në media?

11 Prill 2022, 10:23, Kronika CNA

Me 4 Tetor 2021, një avion i dyshimtë, pa asnjë shenjë identifikimi është rrëzuar në Vermosh.

Ngjarja u raportua e mbuluar me mister.

Avioni u ul në livadh të Vermoshit, 200 m pa kaluar kufirin drejt Malit të Zi, rreth orës 09:00 të mëngjesit të 4 tetorit një vit më parë.

Tentoi të ngrihej sërish pas 30 minutash, por më pas u përplas me një pemë pishe ku dhe pësoi defekte në strukturë.

Referuar dëshmisë që kryeplaku i fshatit Prek Vata bëri nga vendngjarje në atë kohë, u tha se janë parë dy persona, që mendohej të jetë piloti dhe personi tjetër që ka ardhur dhe e ka larguar me shpejtësi nga livadhi me Fuoristradë të bardhë.

Ndërkohë një ditë më parë, personit që dha dëshminë për mediat, pra kryeplakut Prek Vata, i kanë djegur makinën.

Automjeti tip ?Fouristradë? i kryeplakut të Vermoshit raportohet se  është djegur tërësisht.

Të dhënat e para flasin se zjarrvënia ka qenë e qëllimshme, pasi fillimisht janë thyer xhamat e makinës dhe më pas i është vënë zjarri.

Nuk dihet nëse shkak është bërë dëshmia që ai ka dhënë në lidhje me avionin e rrëzuar në Vermosh që dyshohej se po transportonte drogë dhe zyrtarisht nga policia nuk ka një pistë hetimi

“Me datë 10.04.2022, rreth orës 23:00, jemi njoftuar nga shtetasi P.V. 74 vjeç, banues në fshatin Vermosh, Njësia Administrative Kelmend, Malësi e Madhe, se ka konstatuar të djegur mjetin e tij tip Toyota.

Vazhdojnë veprimet hetimore duke mbledhur cdo provë materiale dhe vlerësuar cdo informacion, si dhe duke bashkëpunuar ngushtë me ekspertë dhe Prokurorinë e Rrethit Gjyqësor Shkodër, për përcaktimin e shkakut të djegies dhe dokumentimin e plotë të ngjarjes.“, thuhet në njoftimin e Policisë./CNA.al

Foto-Çfarë po transportonte avioni që ra në Vermosh/ Policia vonohet për në vendngjarje

Avioni që u rrëzua në Vermosh transportonte drogë/ Gjurmët e gishtërinjve ?tradhëtojnë? autorët

Misteri i avionit në Vermosh/ Si u zhdukën me fuoristradë personat që ishin në bord

Shkrumbohet makina e kryeplakut të Vermoshit/ Dyshimet e para





Lajmet e fundit nga