VIDEO/ Fitore e vuajtur në Sardenjë, De Ligt dhe Vlahovic përmbysin Cagliarin

9 Prill 2022, 20:46, Sport CNA

Juventusi harron humbjen përballë Interit dhe reagon duke fituar 2-1 me përmbysje në Sardenjë përballë Cagliarit. Një sukses i vuajtur për të besuarit e Allegrit, që konsolidojnë pozitat e tyre në vendin e katërt në renditjen e Serie A.

Cagliari kalon i pari në avantazh me Joao Pedro, por bardhezinjtë barazojnë me De Ligt në fund të pjesës së parë, ndërsa Vlahovic shënon golin e fitores në pjesën e dytë.

Juventusi blindon zonën Champions pas këtij suksesi, ndërsa Cagliari duhet të vuajë akoma që të sigurojë qëndrimin mes më të mirave të Italisë.

Në ?Unipol Arena? zhvillohet një pjesë e parë shumë e bukur mes Cagliarit dhe Juventusit. Skuadra e Allegrit nis më mirë sfidën, por me kalimin e minutave vendasit rrisin lojën e tyre, madje arrijnë të zhbllokojnë sfidën, falë një goli të bukur të Joao Pedro.

Juventusi reagon dhe hidhet në sulm në kërkim të golit të barazimit, por sardët mbrohen mirë. Bardhezinjve u anulohet një gol, sepse Rabiot ka devijuar topin me dorë.

Por në fund të pjesës së parë, shpërblehen përpjekjet e Juves, që barazon rezultatin me De Ligt, që me kokë arrin të mposhtë portierin Cragno dhe të kthejë në ekuilibër këtë sfidë. Mbyllet 1-1 një pjesë e parë plot ritëm.

Pjesa e dytë nis me gol, për sërish nuk vlen goli i Juventusit, pasi Chiellini është në pozicion jashtë loje. Bardhezinjtë nisin fuqishëm pjesën e dytë dhe kërkojnë me ngulm golin e fitores. Provon Dybala, por topi i tij shkon jashtë.

Cagliari e merr veten me kalimin e minutave dhe fillon të reagojë duke hedhur sytë nga porta e Juventusit. Minutat kalojnë dhe skuadra e Allegrit kupton që duhet të japë më shumë. Cuadrado i afrohet golit të avantazhit, ndërsa Cragno i mohon golin Vlahovic.

Goli është në ajër dhe Vlahovic arrin të kalojë në avantazh Juventusin, duke përfituar nga një pasiguri e mbrojtjes sarde. Në 15 minutat e fundit Cagliari zhbalancohet në kërkim të golit të barazimit, ndërsa bardhezinjtë mundohen që të mbyllin përfundimisht këtë takim.

Nuk ndryshon asgjë deri në fishkëllimën finale të gjyqtarit dhe Juventusi largohet me tre pikë me peshë nga transferta kundër Cagliarit.

KALJARI-JUVENTUS 1-2
10? Zhoao Pedro / 45?+1? De Ligt, 75? Vlahoviç

NGJARJET KRYESORE

75? Zhbllokohet Vlahoviç! Asist perfekt i Dibala për serbin i cili para portës këtë herë nuk fal me devijimin e tij duke kthyer në rrjetë largimin e sferës nga një mbrojtës.

70? Mundësi e mirë e Kuadrado i cili lëshon një diagonale nga e djathta, sfera përfundon jo shumë larg portës.

47? Përsëri gol i çuditshëm i Juventusit dhe përsëri anulohet nga gjyqtari kryesor për pozicion jashtë loje të Kielinit.

45?+1? Barazohen shifrat. Pas zhvillimit të një goditje nga këndi, Kuadrado jep një asist perfekt për De Ligt i cili me kokë dërgon sferën në rrjetë.

35? Dibala provon me një gjuajtje të fortë qendrore, topi përfundon në duart e Kranjo.

24? Juventusi gjen golin e barazimit pas një gjuajtje të Pelegrinit të devijuar nga Rabio. Por nga salla e VAR gjyqtarit i vjen sinjalizimi se prekja e mesfushorit është me dorë dhe ai anulohet.

10? Zhoao Pedro kalon në avantazh Kaljarin me një gol spektakolar.