web counter
LEXO PA REKLAMA!

SHKARKO APP

App Store
Google Play

Gonzalo Higuain merr vendimin drastik, e mbyll me futbollin e luajtur

5 Prill 2022, 12:49, Sport CNA

Sulmuesi argjentinas, Gonzalo Higuain, duket se ka vendosur që t?i japë fund karrierës së tij futbollistike në fund të sezonit me Inter Miamin (31 dhjetor 2022). 34-vjeçari ka pasur një karrierë me ulje-ngritje, i cili nuk është penduar kurrë për asgjë.

Në 2005, Higuain debutoi në moshën 17-vjeçare me skuadrën e River Plejt, aty ku nisi karriera e tij e suksesshme. Më pas ai shkoi te Reali, Napoli, Juventusi, Milani, Çelsi dhe në fund te Inter Miami në MLS.

Ai do të mbahet mend gjithmonë për rastin e humbur në finalen e Kupës së Botës me Argjentinën, ku nuk mundi të shënonte me vetëm Nojerin përballë. Gjithashtu në 2016, Higuain shkroi dhe historinë me Napolin, ku u bë golashënuesi më i mirë në një sezon të Serisë A, me 36 gola të shënuar.

Më pas ai u transferua te Juventusi, ku u shpall kampion në vitet 2017, 2018, 2020. Në vitin 2018, argjentinasi u huazua te Milani, i cili nuk shkëlqeu dhe u kthye mbrapsht nga kuqezinjtë dhe më pas shkoi te Çelsi po në formën e huazimit, ku fitoi një Ligë Europe.

Në 2020, 34-vjeçari zgjodhi që karrierën e mbetur ta vazhdonte në SHBA te Inter Miami dhe duket se vetëm 2 vite ka qenë e shkruar për Higuan që të luante në klubin e Dejvid Bekham, duke i dhënë fund karrierës së tij futbollistike.





Lajmet e fundit nga