E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Putin po i dërgon në vijën e parë të frontit/ Pse po vriten gjeneralët rusë?

27 Mars 2022, 14:43, Kosova & Bota CNA

Që nga nisja e luftimeve në Ukrainë rreth një muaj më parë, janë të paktën 12 gjeneralë të lartë të ushtrisë ruse të cilët janë raportuar të vrarë. Ky numër indikon që ndoshta shenjështrimi i ushtarakëve të niveleve të larta, është një strategji e trupave ukrainase për demoralizimin e ushtarëve rusë, të cilët gjithsesi nuk shquhen për motivim të lartë në luftë kundër ukrainasve. Moska gjithsesi nuk e ka pranuar si të vërtetë raportimin për 12 gjeneralët e vrarë.

Autoritetet ushtarake ukrainase kanë bërë me dije edhe emrat e ushtarakëve të lartë të eleminuar:

Gjeneral Rezantsev, i cili thuhet se u vra në luftimet në Kherson; Gjeneralin Oleg i cili humbi jetën në Mariupol; Gjeneralmajor Andrei Sukhovetsky; Gjeneralmajor Vitaly Gerasimov; Gjeneralmajor Andrey Kolesnikov, u vra në luftime në Mariupol më 11 mars; Andrei Zakharov, Konstantin Zizevsky, Yuri Agarkov, Dmitry Safronov, Denis Glebov, Magomed Tushaev, Vladimir Zhoga.

Sky News ka bërë një analizë në lidhje me situatën.

?Dy teori janë se gjeneralët rusë shkuan në vijat e frontit për të zgjidhur rrëmujën strategjike në të cilën janë futur disa nga batalionet, ose për të inkurajuar ushtarët e demoralizuar të avancojnë?, thotë Korrespondenti i Sky Neës, Alistair Bunkall.

Sipas tij, në përgjithësi ekzistojnë tre nivele të luftës: Taktike, operacionale dhe strategjike. Zakonisht, gjeneralët kryesorë do të vendoseshin larg luftës taktike, e cila do të thotë luftime në terren.

?Është e qartë se kjo luftë nuk ka shkuar ashtu siç priste Putini. Ai ka hequr qafe një kast të tërë gjeneralësh të lartë, ka sjellë disa të rinj dhe ju mund të imagjinoni se cilat ishin urdhrat për ta ? shkoni në front, unë dua të shoh disa veprime konkrete. Prandaj, ata po shihen duke u përpjekur të frymëzojnë, motivojnë, udhëheqin, në nivel taktik, disa nga rekrutët dhe ushtrinë? në vijën e frontit?, shkroi Sky News./ CNA.al