web counter
LEXO PA REKLAMA!

SHKARKO APP

App Store
Google Play

Gega sjell entuziazmin në Korçë, Skënderbeu ka aleat edhe kalendarin

16 Mars 2022, 07:48, Sport CNA

Ardhja e Skënder Gegës ka sjellë një tjetër frymë në Korçë, por ajo që e bën edhe më të qetë situatën është kalendari i favorshëm që Skënderbeu ka në dispozicion. Pesë pikë larg Dinamos, 6 nga Egnatia dhe 7 nga shpëtimi direkt i sezonit, duket se janë shumë në këtë moment.

Por, nëse u referohemi ndeshjeve që korçarët kanë për të luajtur janë më së miri të rikuperueshme. Këtë javë bardhekuqtë luajnë ndaj Kukësit dhe kanë mundësinë të përsërisin suksesin e fazës së parë për t?i dhënë një mundësi ekipit të reagojë në vijimësi.

Plus kësaj, ajo që ngroh më shumë bardhekuqtë është fakti se Kastriotin dhe Egnatian i presin në shtëpi në dy takime që do të jenë përcaktuese për vijimësinë e kampionatit dhe fatet e mbijetesës.

Gega ka vendosur që të karikojë të tijtë duke treguar edhe publikisht se janë djem të rinj, por me kualitet, Ditë pas dite, trajneri i Skënderbeut do të mundohet të fusë në kokën e lojtarëve idetë e tij për të marrë më pas maksimumin. E radhës ndaj Kukësit është një ndeshje kyçe dhe debutimi i Gegës para tifozëve korçarë është kundër ekipit që drejtoi në sezonin e kaluar.





Lajmet e fundit nga