web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu sfidon Laçin, këto janë përballjet e sotme në Superiore

13 Mars 2022, 07:49, Sport CNA

Sot, Kategoria Superiore do të ulë siparin e javës së 25-të me tre ndeshje interesante.  Në orën 13:45. në stadiumin e qytetit të Laçit do të luhet takimi Laçi-Skënderbeu. Kurbinasit duan suksesin që i mungon prej 3 takimesh, por gjithashtu duan që të jenë përsëri në ndjekje të kryesuesve të Tiranës. Ndërsa Skënderbeu vjen me Skënder Gegën në pankinë, i cili do të synojë fitoren që në ndeshjen e parë.

Në po të njëjtën orë, në stadiumin e qytetit të Kamzës do të zhvillohet sfida Dinamo-Kukësi. Blutë e kryeqytetit synojnë vazhdimësinë e rezultateve pozitive pas suksesit ndaj Skënderbeut javën e kaluar teksa duan largimin me çdo kusht nga pozicionet e fundit të tabelës së klasifikimit, ndërsa verilindorët e Longos synojnë fitoren që i mungon prej 4 ndeshjesh.

Në orën 16:45, në stadiumin ?Loro Boriçi?, do të zhvillohet ndeshja Teuta-Kastrioti. Kampionët aktualë të Shqipërisë duan suksesin e dytë radhazi, ndërsa krutanët dëshirojnë me çdo kusht tre pikët për mbijetesën.





Lajmet e fundit nga