web counter
LEXO PA REKLAMA!

SHKARKO APP

App Store
Google Play

Skënder Gega debuton me Skënderbeun: Jam krenar që përfaqësoj Korçën, nuk e ulim kokën

13 Mars 2022, 18:52, Sport CNA

Skënder Gega e nis mbarë aventurën me Skënderbeun. Skuadra korçare arriti të barazonte pa gola ndaj Lacit. Skënderbeu ishte thuajse në perfeksion për mënyrën sesi u mbrojt duke mos i lejuar hapësira Laçit.

Kurbinasit po provonin vetëm tentativa nga distanca dhe puna e tyre iu vështirësua pas ndëshkimit me karton të kuq të Velkovskit në të 67 pasi pengoi Mensah si mbrojtës i fundit.

Laci arriti të shënonte në minutat e fundit me Guindo, por VAR e anuloi me të drejtë golin pasi sulmuesi i kurbinasve ishte në pozicion jashtë loje. Më poshtë intervista e trajnerit Gega.

?Është grup i mirë dhe kjo pikë u jep shpresë lojtarëve. Jam munduar që të jap ato që duhet për të mbushur boshllëqet. Jam i kënaqur pasi po luanim ndaj Lacit që është me meritë në vendin e dytë.

Unë jam i kënaqur që Skënderbeu ka lojtarë të rinjë, pasi aty është e ardhmja. Vetëm se koha është shumë e shkurtër dhe nuk premton. Memelli ka bërë më të mirën te Skënderbeu dhe unë jam munduar t?i përforcoj ato.

Nuk e ul kokën pasi ky është profesioni im. Këtu është ambient i jashtëzakonshëm dhe jam i nderuar që përfaqësoj këtë qytet.

Zguro? Kam bërë bisedë të gjatë më të, i kam thënë se nuk mund të jetë më i stresuar se vetë Takaj. Dhe sot është parë që ka qenë më i disiplinuar se kurrë më parë. Kam biseduar me të gjithë lojtarët që të jenë të qetë?.





Lajmet e fundit nga