web counter
LEXO PA REKLAMA!

SHKARKO APP

App Store
Google Play

E fundit!

x

Serbia ndërpret importin e drithërave/ Duka ka dy kërkesa për qeverinë

9 Mars 2022, 15:48, Politikë CNA

Kreu i Partisë Agrare Ambientaliste Agron Duka ka reaguar ndaj vendimit që ka marrë Serbia për të ndërprerë importin e drithërave në Shqipëri.

Në një postim në rrjetin social Facebook, Duka shkruan se ky vendim është një kambanë alarmi për qeverinë, Parlamentin dhe të gjithë klasën politike.

Ai shton se fermerët janë shumë të pambrojtur, ndërsa thekson se kriza nxorri në pah se të gjithë qytetarët janë të ?braktisur? nga shteti.

Në emër të PAA, Duka i ka shtruar edhe dy kërkesa qeverisë.

Reagimi i plotë i Dukës:

Kjo krizë duhet të na shërbje si mësim për të ardhmen.

Lajmi që Serbia ndërpet eksportin e drithërave dhe ushqimeve të tjera, për të siguruar rezerven e saj, është një lajm i keq për tregun shqiptar, duke ditur se furnizimi me grurë dhe miell është i varur thuajse tërësisht prej importeve nga Rusia dhe Serbia.

Por më shumë se kaq, ai është një alarm që duhet ta bëjë qeverinë, parlamentin dhe gjithë klasën politike të mendohet seriozisht të mbështesë rritjen e prodhimit vendas të drithërave.

Partia Agrare Ambientaliste, shikon me dëshpërim situatën, kur shumë toka në vend kanë mbetur djerrë dhe fshatarët shkojnë punojnë në fermat e vendeve fqinje.

Shikon me dëshpërim shkatërrimin e industrisë së naftës, me gjithë rezervat e mëdha dhe prodhimin qe kemi, duke u varur sërish 100% nga importi.

Kjo krizë po tregon se sa të pa mbrojtur jemi si popull ndaj krizave.

PAA kërkon që qeveria të mbajë të informuar popullin dhe tregjet mbi situatën, për të mos lejuar krijimin e panikut dhe spekullimin e tregtarëve.

PAA kërkon që kjo situatë të shndërrohet në një mësim historik, për të siguruar një rezervë shtetërore të mjaftueshme për përballimin e krizave, si dhe të për ti dhënë prioritetin bujqësisë, si sektor më rëndësi jetike për vendin./E.K-CNA.al





Lajmet e fundit nga