web counter
LEXO PA REKLAMA!

SHKARKO APP

App Store
Google Play

Ukrainë, nuk kursehen as fëmijët/ Sulmohen civilët gjatë evakuimit

6 Mars 2022, 11:53, Kosova & Bota CNA

Një pikë kalimi për evakuimin e civilëve që përpiqeshin të largoheshin nga qyteti Irpin në perëndim të Kievit, u bombardua të dielën në mëngjes, raporton CNN.

Mediat ndërkombëtare po filmonin në atë lokacion, kur ra një predhë, në kohën kur një grup civilësh po kalonte përmes postbllokut.

Sipas raportimeve, të paktën tre civilë janë vrarë, duke përfshirë dy fëmijë, mirëpo ende nuk janë konfirmuar viktimat.

 Zelensky: Rusia po bëhet gati të bombardojë Odessan

Presidenti i Ukrainës, Volodymyr Zelensky, tha se forcat ruse po përgatiten të bombardojnë qytetin port të Ukrainës, Odessa.

“Ky do të jetë një krim ushtarak. Ky do të jetë një krim historik”, tha ai.

Forcat ruse kanë bërë përparim në Ukrainën jugore që nga fillimi i pushtimit të tyre më 24 shkurt, duke pushtuar qytetin Herson dhe duke rrethuar portin e Mariupolit, por Odessa deri më tani është kursyer kryesisht.

 Zëvendëskryeministrja e Ukrainës: Situata po bëhet më e rëndë

Zëvendëskryeministrja e Ukrainës, Olha Stefanishnya, tha se situata po bëhet më e rëndë si pasojë e agresionit rus.

Ajo tha për BBC-në se një tjetër valë e ?planit terrorist? të Rusisë ka nisur.

Stefanishnya tha se situata po bëhet më e rëndë dhe se spitalet dhe kopshtet e fëmijëve janë granatuar në disa qytetet të Ukrainës.

?Ushtria ukrainase është më e fortë se kurrë më parë?, tha ajo, duke se shtuar se pavarësisht vendosmërisë së Ukrainës për t?i rezistuar pushtimit, kjo nuk po e pengon presidentin rus, Vladimir Putin, që të vazhdojë sulmet. /rel





Lajmet e fundit nga