web counter
LEXO PA REKLAMA!

SHKARKO APP

App Store
Google Play

E fundit!

x

Betejë në distancë tek Kategoria e Parë/ Bylisi e Erzeni në fokus, 6 duele në program

5 Mars 2022, 09:24, Sport CNA

Kategoria e Parë vijon rrugëtimin dhe duket sikur nuk ka dilema për dy skuadrat që do të ngjiten në Superiore. Bylisi e Erzeni janë shkëputur nga të tjera, por diferenca mes tyre është vetëm dy pikë dhe për titullin kampion do të ketë një garë në distancë, pasi skuadrat i kanë luajtur duelet direkte.

Bylisi sot në orën 14:00 do të luajë në transfertë kundër Lushnjës, ekip që në të shkuarën e ka pasur rival shpesh për t?u ngjitur në elitë. Skuadra e Canajt këtë herë është në kushte të tjera dhe ka objektiv kryesor qëndrimin në Kategorinë e Parë.

Erzeni ndërkohë pret në Shijak Tërbunin që po bën një sezon të mirë dhe renditet në vendin e pestë dhe synon të mbetet në gjashtëshen e parë, për të luajtur gjysmëfinalet e play-off për ngjitjen në Superiore.

Të njëjtën objektiv kanë edhe Apolonia e Besa, që përballen sot mes tyre. Pastaj sfidat mes skuadrave që luajnë për të siguruar qëndrimin në kategori janë të shumta, duke nisur me Shkumbini-Butrinti e për të vijuar me Vora-Besëlidhja.

Ndryshe situatën për Burrelin, që pret Turbinën që në katër ndeshjet e fundit ka fituar tre ndeshje dhe ka dalë në zonën play-out për momentin.

KATEGORIA E PARË ? JAVA 22
E shtunë, më 5 mars, ora 14:00
Erzeni-Tërbuni
Shkumbini-Butrinti
Apolonia-Besa
Vora-Besëlidhja
Lushnja-Bylis
Burreli-Turbina

E hënë, më 7 mars, ora 14:00
Maliqi-Tomori
Korabi-Pogradeci





Lajmet e fundit nga