web counter
LEXO PA REKLAMA!

SHKARKO APP

App Store
Google Play

E fundit!

x

Nisin të avullojnë biletat e derbit, ja sa janë shitur deri tani

4 Mars 2022, 07:02, Sport CNA

Po ecën me ritme të kënaqshme shitja e biletave për sfidën Tirana-Partizani. Sipas njoftimeve që vijnë nga klubi bardheblu, aktualisht kanë avulluar të gjitha biletat e sektorit ?Fanatics?, ndërsa po plotësohet edhe pjesa përballë e katit të parë të stadiumit.

Sipas asaj që është bërë e ditur, janë shitur aktualisht mbi tetë mijë bileta, ndërsa me të gjitha gjasat sot pritet të hapet edhe sektori sipër. Biletat po shiten me ritme të larta për këtë sfidë, ndërsa pritet që stadiumi të jetë i mbushur.

Vetëm në ditën e parë të shitjeve të biletave për sfidën e së shtunës tifozët kanë blerë mbi 3000 copë. Në fakt, Tirana jo vetëm që është në vendin e parë, por nga ana tjetër ka fituar dy derbet e fundit me Partizanin. Tifozët kërkojnë edhe fitoren e tretë në derbi, si dhe titullin kampion, ndërsa te të kuqtë kthimi te fitorja.

Në dy sfidat e famshme të sezonit 2019- 2020 dy klubet afruan gati 20 mijë tifozë si dhe arkëtuan më shumë se 2000 milionë lekë secila. Gjithsesi, tani pa kufizime pandemie në orar pritet që të ketë shumë tifozë.

Për më tepër që tifozët zakonisht i blejnë biletat në dy ditët e fundit. Tifozëritë e kryeqytetit kanë edhe 48 orë për të blerë një biletë për sfidën e ditës së shtunë që luhet në ?Air Albania? ora 19:45.





Lajmet e fundit nga