web counter
LEXO PA REKLAMA!

SHKARKO APP

App Store
Google Play

E fundit!

x

Derbi i kryeqytetit/ Betejë titanësh mes Tiranës dhe Partizanit. Ja si pritet të rreshtohen skuadrat

5 Mars 2022, 08:57, Sport CNA

Superiorja rikthehet me derbi. Mbrëmja hap dyert për Tirana-Partizani, në stadiumin ?Air Albania?. Gjithçka nis në orën 19:45, por sigurisht spektakli nis më parë në rrugët e kryeqytetit, me marshimet që do të bëjnë Fanatics dhe Guerrils.

Të dyja skuadra vijnë nga fitore të rëndësishme në mesjavë, ndërkohë që Tirana ka qetësinë e tetë pikëve diferencë me Laçin e vendit të dytë. Për Partizanin pikët janë më të rëndësishme, nëse duan të kapin kupat e Europës përmes kampionatit. Triumfi kundër Kukësit ua ka shtuar dëshirën për këtë objektiv.

Gjithsesi derbi është tjetër dhe kohët e fundit ka folur më shumë për bardhblutë. Stenio Junior para dy ditësh u shpreh se do të jetë ndryshe këtë herë, por të gjithë duhet të flasin në fushën e blertë.

Formacionet janë një element i rëndësishëm dhe te Tirana do vijojnë njëlloj si kundër Teutës. Edhe te Partizani pritshmëritë janë të njëjta, por trajneri Mehmeti e ka një dilemë për krahun e majtë të mbrojtjes, pasi bradheblutë janë goxha të shpejtë nga krahët.

Tirana-Partizani, formacionet e mundshme
TIRANA: Bekaj, Tosevski, Najdovksi, Hoxhallari, Përgjoni, Limaj, Toli, Totre, Seferi, Xhixha, Devid. Trajner: Shehi

PARTIZANI: Hoxha, A. Marku, Belica, Bitri, Sota, Rrapaj, Mala, Kallaku, Cara, Stenio Junior, Skuka. Trajner: Mehmeti





Lajmet e fundit nga