E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Edith Harxhi thirrje Lulzim Bashës/“Tërhiqu, shpëto fytyrën, sa nuk është vonë”

4 Mars 2022, 10:42, Politikë CNA

Edith Harxhi nga grupimi ?Për PD?, ka bërë një resume të fushatës për zgjedhjet e 6 marsit.

Harxhi i ka quajtur këto zgjedhje tejet të rëndëishme, pasi sipas saj janë kthyer në zgjedhje politike tepër të rëndësishme për fatet e vendit

?Miq, ju përshëndes sot nga Shkodra e demokracisë. Kam disa javë që punoj me demokratët e Shkodrës, Lushnjes, Durrësit dhe Dibrës.

Ka qenë një eksperiencë e jashtëzakonshme dhe kam takuar mijëra qytetarë të përkushtuar që mezi presin datën 6 mars të shprehin vullnetin e tyre në kutitë e votimit.

Këto janë kthyer në zgjedhje politike tepër të rëndësishme për fatet e vendit.

Kandidatët e Shtëpisë së Lirisë të cilët kanë dalë nga primaret e para në historinë e Shqipërisë, janë personalitete në qytetet e tyre, demokratë që frymëzojnë dhe japin shpresë për të ardhmen.

Prandaj, sot i bëj thirrje gjithë qytetarëve të Shkodrës, Dibrës, Rrogozhinës, Vorës, Durrësit dhe Lushnjes të dalin të votojnë për të ardhmen e tyre dhe të ardhmen e Shqipërisë.

Në datë 7 mars gjithë shqiptarët do të kuptojnë cila është opozita e vërtetë dhe çfar kemi humbur në këto 9 vite me nje pseudo- opozitë të shitur, të tradhëtuar dhe peng?, shkruan Harxhi në rrjete sociale.

Më tej Harxhi i ka bërë thirrje Lulzim Basha që sa nuk është vonë të shpëtojë fytyrën e tij, duke tërhequr nga gara për 6 Marsit kandidatët e tij.

?Gjej rastin ti bëj një thirrje, LulzimBasha për deri sa nuk është ende vonë, të shpëtojë fytyrën e tij dhe atyre që e mbështesin, dhe të tërheqë nga gara elektorale e 6 marsit kandidatët e tij dhe në fund ti bëjë të vetmin shërbim demokratëve, vendit dhe Partisë Demokratike.

Nëse ai nuk e bën këtë në 24 orët e ardhshme do të mbetet në histori si tradhëtari më i madh i kohërave moderne në Shqipëri.

Pavarësisht kësaj, në 6 mars 2022, qytetarët shqiptarë do të zgjedhin kandidatët e Shtëpisë së Lirisë si alternativa e vërtetë.

Fitore dhe suksese në datën 6 mars dhe mirënjohje gjithë demokratëve që punuan fort dhe me përkushtim në këtë fushatë?, ka shkruar ndër të tjera Harxhi./CNA.al