web counter
LEXO PA REKLAMA!

SHKARKO APP

E fundit!

x

Rruga drejt finales në “Air Albania”, ndahen vazot e shortit të 16 skuadrave që mbeten në garë

25 Shkurt 2022, 07:00, Sport CNA

Vetëm 16 skuadra kanë mbetur në garë në atë që do të jetë edicioni i parë historik i Ligës së Konferencës. Turneu i cili mbyll këtë sezon debutimi me finalen në stadiumin ?Air Albania? në Tiranë, shihet si një mundësi e mirë që edhe skuadrat më të vogla të kenë sukses në një aktivitet ndërkombëtar për klube.

Por në garë kanë mbetur edhe emra të njohur të kontinentit, të cilët padyshim nuk do të nënvlerësojnë mundësinë për të shkruar emrin në histori si fituesit e parë të këtij aktiviteti ndërkombëtar.

Ndeshjet e play-off kanë përcaktuar 8 skuadrat që vazhduan rrugëtimin në turne, duke iu bashkuar 8 fituesve të grupeve. Këto të fundit janë vendosur në vazon e parë në shortin që hidhet këtë të premte dhe do të kenë avantazhin e fushës pasi luajnë sfidat e kthimit në vendet e tyre.

Ndërkohë, në vazon e dytë janë skuadrat që dolën nga play-off, të cilat do të vihen kundër atyre të vazos së parë me kufizimin e vetëm atë ku ekipe të të njëjtit vend nuk mund të përballen me njëri-tjetrin.

VAZO 1
LASK, Gent, Kopenhagë, Ren, Roma, AZ Alkmar, Fejenord, Bazel

VAZO 2
Leister, Olimpik Marsejë, PSV Eindhoven, Bodo/Glimt, Partizan Beograd, PAOK, Slavia Pragë, Vitese





Lajmet e fundit nga