E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Plori shpërthen pas ndeshjes me Skënderbeun: Është bërë e neveritshme!

25 Shkurt 2022, 18:18, Sport CNA

Vllaznia nuk shkoi më shumë se një barazim 2-2 në transfertë me Skënderbeun, në sfidën e javës së 22-të të ?Abissnet Superiore?. Në një intervistë për ?Super Sport?, zëvendës trajneri i Vllaznisë, Elvis Plori, dha opinionin e tij për sa i përket kësaj sfide.

?Ishte një ndeshje e cila në këto momente siç ndodhet Skënderbeu, mendonim se do të ishte e fortë dhe e luftuar. Nuk e nisëm mirë, kishim probleme në rreshtim dhe na vunë në vështirësi krahët e mbrojtjes. Pas minutave të parë u qartësuam në vendosje taktike, luajtëm më mirë dhe kthyem rezultatin, patëm mundësi edhe ta thellonim por kështu është futbolli. Ndeshja kishte episodet e veta, ishim më konstant dhe te penalltia e goli nuk di çfarë të them. Të gjithë thonë jo. Nuk dua të merrem më arbitrat, u bë bozë, ka filluar të bëhet e neveritshme kjo pjesë.

Distancohemi nga titulli, por duhet t?i marrim si profesionistë. Kemi bërë ndeshje të mira e meritojmë më tepër. Me raste futbolli ta kthen me raste, duhet të vazhdojmë punën në anë profesionale që të marrim maksimumin e pikëve që të arrijmë objektivat minimale që janë minimalisht pjesëmarrja në Europë.

Sot kishim gjithçka nën kontroll, nuk them se ishte rrjedhojë e presionit goli i barazimit. Ishte një faull që nuk ishte, një top i gjatë që hyn në zonë dhe merret ajo penallti e çuditshme. Nuk ishte pjesë e presionit, ishte një rast që them se ndodhi sot dhe ishte diçka e veçantë.

Këtë vit ka ndikuar shumë arbitrimi te ne. Ajo pjesë është se lojtarët janë të nervozuar, janë shumë ndeshje ku jemi të penalizuar. Kjo është një arsye që lojtarët e ndjejnë dhe kemi marrë shumë kartona. Jemi munduar si staf qetësojmë lojtarët por është e vështirë, kjo është pse kemi marrë shumë kartonë dhe pse Brdariç është shumë i tensionuar?, tha Plori.