web counter
LEXO PA REKLAMA!

SHKARKO APP

App Store
Google Play

E fundit!

x

Pengmarrje, vjedhje, shitje lëndësh narkotike/ Prangosen 13 persona

17 Shkurt 2022, 12:07, Kronika CNA

13 persona janë arrestuar këtë të enjte, në kryeqytet, Tiranë pasi kanë kryer vepra të ndryshme.

Bëhet me dije se disa nga akuzat antiligjore për të cilën akuzohen të arrestuarit janë: pengmarrja, vjedhja, shitje lëndësh narkotike, mosbidnja ndaj urdhërit të policisë, shkelje e rregullave të qarkullimit rrugor.

“O. B., 34 vjeç, për veprën penale “Heqja e paligjshme e lirisë”, dhe shpallën në kërkim shtetasin I. D., 25 vjeç, pasi këta dy shtetas, në bashkëpunim me njëri-tjetrin, kanë marrë me forcë në mjet, një 16 vjeçar. Punohet për kapjen e shtetasit I. D.

Specialistët për Hetimin e Krimeve në Komisariatin e Policisë Nr. 6 bënë ekzekutimin e vendimit penal për shtetasin në kërkim B. P., 46 vjeç, pasi Gjykata e Shkallës së Parë Tiranë i ka caktuar masën e sigurisë “Arrest në burg”, për veprën penale ?Dhuna në familje?.

Specialistët për Hetimin e Krimeve në Komisariatin e Policisë Kavajë bënë arrestimin në flagrancë të shtetasve:

– B. Rr., 29 vjeçe, për veprën penale “Vjedhja”, pasi ka vjedhur një aparat celular, në një dyqan;

– O. M., 31 vjeç, pasi gjatë kontrollit fizik nga shërbimet e Policisë iu gjet dhe sekuestrua në cilësinë e provës materiale, një sasi lënde e dyshuar narkotike e llojit cannabis sativa.

Specialistët e Qarkullimit Rrugor bënë arrestimin në flagrancë të shtetasve:

– G. I., 62 vjeç, për veprën penale “Shkelja e rregullave të qarkullimit rrugor”, pasi duke drejtuar mjetin autobus, ka aksidentuar shtetasen L. A., e cila ndodhet në spital, nën kujdesin e mjekëve;

– U. H., 33 vjeçe, A. D., 51 vjeç, A. M., 38 vjeç, A. M., 61 vjeç, A. Sh., 21 vjeç dhe F. Ç., 27 vjeç, pasi u kapën duke drejtuar mjetet përkatëse, në gjendje të dehur;

– L. H., 41 vjeç, pasi u kap duke drejtuar mjetin e tij, pa leje drejtimi;

– M. J., 18 vjeç, për veprat penale “Drejtimi i automjeteve në mënyrë të parregullt” dhe “Mosbindja ndaj urdhrit të punonjësit të policisë së rendit publik”, pasi duke drejtuar mjetin e tij pa leje drejtimi, nuk i është bindur urdhrit të punonjësit të Qarkullimit Rrugor, për të ndaluar.” njfton policia./CNA.al





Lajmet e fundit nga