web counter
LEXO PA REKLAMA!

SHKARKO APP

App Store
Google Play

E fundit!

x

Mega operacion/ Shkatërrohet organizata kriminale, prangosen 45 persona

16 Shkurt 2022, 11:27, Kronika CNA

Një bandë kriminale është shkatërruar këtë të mërkurë nga Antimafia italiane. Si pasojë e operacionit kanë mbetur të arrestuar 45 persona. Sipas hetuesve, organizata importonte dhe menaxhonte trafikun me shumicë të kokainës nga Amerika Latine në Evropë nga ajri dhe toka. Vendet e BE-së të përfshira u përdorën më pas për operacione komplekse të pastrimit të të ardhurave nga trafiku i drogës për një vlerë të vlerësuar prej disa milionë eurosh.

Në komunikimin zyrtar Antimafia italiane thekson rrezikshmërinë e ogranizimin e tipit mafioz të këtij grupi trafikantësh shqiptarë.

Spanja e vende të tjera të Europës përdoreshin për operacione komplekse financiare që riciklonin paratë e përfituara nga trafiku i drogës me një vlerë prej disa milionë euro.

Mega operacioni ka çuar në 45 arrestime, 80 kontrolle policore e sekuestrim droge e armësh si dhe pasuri me vlerë 2 milionë euro.

Ky organizim kriminal mafioz kishte ngritur një rrjet kompanish në Majorka të Spanjës, në Gjermani e Kroaci që i përdornin për të ricikluar paratë e përfituara nga trafiku i drogës përmes emrave fiktivë. Anëtarët e këtij organizimi mafiozë përdornin një komunikim të kriptuar e udhëtonin rrgullisht në Dubai, Meksikë e Kolumbi.

Në hetimet e vështira të këtij megaoperacionit morën pjesë rreth 600 forca policore e reparte speciale të antimafias italiane, belge, kroate, spanjole, britanike, hollandeze e gjermane nën koordinimin e Eurojust e Europol./CNA.al





Lajmet e fundit nga