web counter
LEXO PA REKLAMA!

SHKARKO APP

App Store
Google Play

E fundit!

x

Policia belge aksion të befasishëm kundër mafies shqiptare/ 30 persona të arrestuar

15 Shkurt 2022, 11:35, Kronika CNA

Në orët e para të mëngjesit, Policia e Brukselit ka finalizuar një operacion kundër mafies shqiptare, duke bastisur më shumë se 30 shtëpi.

Mesohet se në pranga janë vënë 30 persona të dyshuar si të përfshirë në trafikun e drogës dhe armëve.

Në lidhje me këtë aksion janë shpallur në kërkim 100 persona në 7 vende të ndryshme të Europës, ku u sekuestruan armë, kokainë, para, ora luksoze, diamante dhe automjete.

Në po të njëjtën orë aksioni ka nisur edhe në disa vende të tjera të Europës si Spanjë, Itali, Gjermani, Kroaci dhe Holandë.

Mediat belge shkruajnë se kjo nuk është hera e parë që mafia shqiptare në vendin e tyre merr një goditje, ndaj dyshimet janë se operacioni i sotëm ka lidhje me atë të finalizuar në muajin tetor të vitit të kaluar në disa qytete të ndryshme.

Portet e Antwerpen dhe Roterdam luajnë një rol kyç në tregtinë e drogës në Evropë. Kokaina hyn në këto porte nga Amerika e Jugut. Është kryesisht mafia shqiptare ajo që ka një rol të rëndësishëm në nxjerrjen e kokainës dhe shpërndarjen e saj.

Mediat shkruajnë për një konflikt mes dy klaneve në 8 vende të ndryshme që kanë bazën në Shqipëri dhe Belgjikë.





Lajmet e fundit nga