Bergomi leksion Interit: Ja si mposhtet Liverpooli, Dzeko do të jetë vendimtar

16 Shkurt 2022, 10:39, Sport CNA

Beppe Bergomi do të kishte dashur të luante një ndeshje si Inter-Liverpool, por, edhe në kulmin e rinisë së tij, as për të nuk do të ishte një ndeshje e lehtë. ?Liverpooli është i fortë dhe ka një sulm të frikshëm?, tha ai për Corriere dello Sport duke nisur më pas të analizojë ndeshjen e madhe të mbrëmjes së sotme.

LIVERPOOL- ?Ata do të përballen me një formacion që ka ritëm, që vertikalizon dhe shfrytëzon shpejtësinë e sulmeve të tij. Mos mendoni se Liverpooli do të ndryshojë stilin e lojës sepse luan jashtë shtëpisë. Në mesfushë ata do të ushtrojnë presion dhe do të pëpiqen të kontrollojnë ndeshjen. Do të jetë e komplikuar për Interin?.

MUNGESA E BARELLA- ?Nicolo do të ishte komod sepse nuk ka asnjë lojtar tjetër me karakteristikat e tij në skuadër. Ai kombinon shumë mirë fazën e tranzicionit me sulmin mes linjave, ka këmbë, ritëm dhe entuziazëm. Interi do të duhet të jetë i mirë për të përballuar presionin e anglezëve pa humbur cilësinë në driblim. Nëse ka sukses, Interi mund të krijojë hapësira interesante dhe të sulmojë në mënyrë të rrezikshme.

LOJTARËT E LIVERPOOL- ?Liverpooli ka një ekip të frikshëm dhe është e vështirë të zgjedhësh një. Përpara janë të gjitha fenomenë, por Diogo Jota më shqetëson më shumë. Është ai që ka emrin më pak të përfolur nga të tjerët, por shënon në të gjitha mënyrat. Edhe në kokë. Më pas, është e qartë, janë Mané dhe Salah??.

SI MUND TË PËRFITOJË INTERI- ?Para së gjithash, në situatat pa top. Dy qendërmbrojtësit e të kuqve, kanë strukturë të shkëlqyer, por të tjerët jo dhe Inzaghi ka goditës të shkëlqyer me kokë. Duhet të gjuajnë mirë goditjet e lira dhe këndoret për të përfituar diferencën në centimetra. Interi gjithashtu luajti një lojë të mirë në ndeshjen e parë kundër Realit dhe mund të përsërisë veten. Duke shpresuar që rezultati të jetë ndryshe?.

VENDIMTAR PËR INTERIN- ?Dzeko. Ai është një qendërsulmues i madh dhe punon për ekipin. Do të jetë shumë i dobishëm edhe këtë herë?.

SAN SIRO NJË FAKTOR- ?Për mua po. Britanikët larg shtëpisë ndonjëherë kanë vuajtur. Tifozët duhet të dëgjohen?.