E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Champions League/ PSG fiton në frymën e fundit, City shkatërron Sportingun

15 Shkurt 2022, 21:57, Sport CNA

Kanë përfunduar dy ndeshjet e mbrëmjes së sotme në Champions League. Mançester Siti ka shkërmoqur me rezultatin e thellë 0-5, Sportingun e Lisbonës në sfidën e vajtjes së 1/8-ave të Ligës së Kampioneve mbrëmjen e sotme. Një dominim absolute i ?qytetarëve? të Pep Guardiolës, që nuk e vunë asnjëherë në diskutim triumfin duke ?hipotekuar? kualifikimin që në sfidën e parë. Mahrez hapi serinë e golave në minutën e 7-të, teksa dopieta e Bernardo Silvës në minutat 17 dhe 44 si dhe goli i Foden në të 32-tën, kompletuan ?pokerin? në fragmentin e parë të lojës. Për të vulosur ?manitën?, mendoi Stërling në minutën e 58-të, që me supergolin e tij vendosi verdiktin e këtij dueli, që rezultoi si një stërvitje për anglezët.

PSG-REAL

Në ndeshjen tjetër, një gol i të shumëpriturit Kilian Mbape në minutat shtesë i ka dhënë sot fitoren PSG-së ndaj Real Madrid në ndeshjen e parë me eliminim direkt në Ligën e Kampioneve mes dy skuadrave në atë që është cilësuar si një nga finalet e parakohshme të turneut. Në një ndeshje shumë të ndezur, rastet nuk munguan dhe kishin protagonist kryesor pikërisht francezin, i cili bëri gjithçka mundej për të gjetur rrugën e rrjetës. Por përballë kishte Kurtua të pakalueshëm, i cili ndaloi çdo tentativë drejt tij, duke bllokuar disa herë shpërthimet e francezit.

Ndërsa Mesi ishte thuajse gjithmonë në hije, duke gabuar rëndë në pjesën e dytë teksa shpërdoroi mundësinë më të mirë për të shënuar, një penallti të fituar nga Mbape. Kurtua devijoi gjuajtjen e tij dhe kështu ruajti portën e paprekur, siç vazhdoi deri në fundin e ndeshjes. Por teksa mendohej se sfida do të mbyllej në barazim pa gola, ishte pikërisht Mbape ai i cili me një aksion spektakolar në krahun e majtë, gjeti hapësirën për të mposhtur Kurtua dhe për t?i dhënë suksesin skuadrës së tij ndaj ekipit që e kërkon me shumë ngulm dhe ia ka hapur dyert për sezonin e ardhshëm.

PSG-Real Madrid 1-0
Mbappe 90+2

Sporting-Man City 0-5
8? Mahrez, B.Silva 18?, 43? , Foden