web counter
LEXO PA REKLAMA!

SHKARKO APP

App Store
Google Play

E fundit!

x

Program i dedikuar për edukimin mjedisor të fëmijëve/ Kumbaro thirrje për të denoncuar ndotjen

15 Shkurt 2022, 13:47, Aktualitet CNA

Nga Butrinti, ku mori pjesë në Mbledhjen e parë të Komitetit të Menaxhimit të Zonave të Mbrojtura të Parkut Natyror Rrëzomë dhe Parkut Kombëtar Butrint, ministrja e Turizmit dhe Mjedisit Mirela Kumbaro njoftoi për planin e ri që po hartohet me Ministrinë e Arsimit dhe Sportit për edukimin mjedisor të fëmijëve.

?Bëhet fjalë për të shfrytëzuar asetet natyrore që kemi në çdo bashki. Programin do ta bëjnë specialistët e drejtorisë së Zonave të Mbrojtura, ekzekutimin dhe përgjegjësinë për t?i bërë fëmijët pjesë do ta kenë zyrat arsimore. Ne duhet të realizojmë atë që kemi për detyrë, edukimin mjedisor ku është edhe pastrimi, edhe dashuria për natyrën. Na duhet të edukojmë fëmijët, sepse aty fillon problemi. Kjo është arsyeja pse kemi nisur këtë program në Ministrinë e Turizmit dhe Mjedisit, përmes Agjencisë së Zonave të Mbrojtura që ka zyra rajonale në 12 qarqe, dhe po përgatisim marrëveshjen me Ministren e Arsimit. Këtë do ta detajojmë në nivel qarqesh, ku ne do të propozojmë kalendarin dhe programin, ndërsa Ministria e Arsimit ka për detyrë të sjellë fëmijët me radhë, klasat, shkollat sipas territoreve që ka çdo bashki?, u shpreh Kumbaro.

Më tej ministrja theksoi edhe një herë nevojën për të denoncuar krimin mjedisor, që është shtuar si një opsion i veçantë në aplikacionin e Komisariatit Dixhital.

?Çështja e ndotjes rezulton të jetë problemi më i madh. Problemin e ndotjes nuk e rregullojmë dot me shkresa. Kemi futur te komisariati dixhital një figurë të dedikuar që është krimi mjedisor. Përdoret komisariati dixhital, por nuk përdoret mjaftueshëm për mjedisin. Pse? Sepse ne nuk e kemi ende të qartë që të hedhësh plehrat është krim mjedisor?, u shpreh Kumbaro.

Në takim ministrja Kumbaro dha një mesazh edhe për varkat dhe anijet që transportojnë turistë gjatë sezonit veror në ishujt e jugut, të cilët duhet të mbledhin mbetjet.

?Nëse të gjithë bashkë veprojmë, denoncojmë, kontrollojmë, ky fenomen do të reduktohet. Është shumë kollaj të pastrosh ishujt, por është shumë e vështirë të pastrosh mendjet e dhjetëra, qindra vizitorëve që shkojnë nëpër ishuj. Kjo e mendjes do të na kërkojë punë, por nuk e bën dot vetëm një njeri, dhe nuk e bëjmë dot vetëm me polici. Po, ju konfirmoj, policia dhe trupat e inspekimit do të jenë shumë më të ashpra dhe më të përgjegjshme për monitorimin?, u shpreh gjatë takimit ministrja Mirela Kumbaro.

Në këtë mbledhje të Komitetit të Menaxhimit të Zonave të Mbrojtura që drejtohej nga Prefekti i Qarkut të Vlorës, morën pjesën edhe kryebashkiakët e Sarandës, Delvinës dhe Finiqit, si edhe ekspertë të zonave të mbrojtura dhe përfaqësues të shoqatave turistike dhe mjedisore të qarkut Vlorë./CNA.al





Lajmet e fundit nga