web counter
LEXO PA REKLAMA!

SHKARKO APP

App Store
Google Play

Vrasja e Azem Hajdarit/ Dënohet me 21 vite burg Izet Haxhia

11 Shkurt 2022, 11:54, Kronika CNA

Gjykata e Tiranës ka dënuar me 21 vite burg Izet Haxhinë, i akuzuar për vrasjen e ish-deputetit të Partisë Demokratike, Azem Hajdarit.

Ngjarja në fjalë ndodhi më 12 shtator të 1998.

Haxhia është dënuar për veprën penale ?vrasje me paramendim e kryer në bashkëpunim?. Raportohet se Haxhia do të vuajë dënimin në një burg të sigurisë së zakonshme.

Po ashtu në vendim caktohet edhe se Haxhiaj do të vuajë dënimin në një burg të sigurisë së zakonshme.

?1.Deklarimin fajtor te te pandehuri Izet I. Haxhia per kryerjen e vepres penale te ?Vrasje me paramendim? e kryer ne bashkepunim dhe ne baze te nenit 78/2 e 25 te K.Penal denimin e tij me 21 (njezet e nje) vite burgjm.

2.Vuajtja e denimit te kryhet ne nje burg te sigurise se zakonse.

3. Ne kohen e vuajtjes se denimit te llogaritet koha e qendrimit te tij ne arrest ne burg si dhe duke vuajtur denimin.

U shpall ne Tirane ne daten 11.02.2022.?,thuhet në Vendimin e Gjykatës.

Kujtojmë këtu se Haxhia u gjykua për të dytën herë nga drejtësia shqiptare për përfshirje në vrasjen e Hajdarit. Herën e parë ai u dënua në mungesë për t?u arrestuar vite më vonë në Turqi.

Ai u arrestua konkretisht në 2006-n në Turqi, ndërsa në maj 2020 u ekstradua në Shqipëri për të vuajtur dënimin me 25 vite burg që ka marrë nga të gjitha shkallët e gjyqësorit shqiptar për bashkëpunim në vrasjen e deputetit Azem Hajdari./CNA.al





Lajmet e fundit nga