web counter
LEXO PA REKLAMA!

SHKARKO APP

App Store
Google Play

E fundit!

x

Zgjodhi një nënë surrogate për të birin/ Angela Martini rrëfehet pa “doreza”

8 Shkurt 2022, 13:23, Lifestyle CNA

Në 3 dhjetor 2021, modelja e njohur Angela Martini bëri të ditur në rrjetet sociale, se ajo është bërë nënë për herë të parë.

Angela dhe Dragos u bënë prindër të një djali të cilin e kanë quajtur Kyree Martini Savulescu, i cili erdhi në jetë me ndihmën e një mbartëseje surrogate.

Angela ka dhënë së fundmi një intervistë për ?Blick?, ku ndër të tjera ka treguar se përse ajo dhe bashkëshorti zgjodhën këtë mënyrë.

?Ndihem e përmbushur dhe kam nevojë të jap shumë dashuri. Ndjeva lidhjen e fortë me djalin që në momentin kur erdhi në jetë, është e vështirë ta shpjegosh me fjalë. Për shumë arsye personale, vendosëm që fëmijën ta sjellim në jetë me nënë surrogate. Unë e di se sa e pazakontë është një procedurë e tillë në Evropë, për sa i përket ligjshmërisë dhe kulturës. Por në këtë mënyrë ne mund të zgjidhnim gjininë e fëmijës sonë. Ishim në gjendje të bashkonim vezët dhe spermatozoidet tona më të forta dhe më të shëndetshme, duke eliminuar alergjitë, sëmundjet autoimune, rreziqet e kancerit e kështu me radhë?, është shprehur modelja.

Më tej, ajo ka treguar se ka qenë e pranishme në sallën e lindjes dhe ka përjetuar shumë emocione. Angela dhe gruaja që zgjidhën për të sjellë në jetë fëmijën e tyre, tashmë janë bërë mikesha shumë të mira.

Flisnim çdo ditë me njëra-tjetrën, shkonim së bashku në takimet me mjekun dhe gjithmonë e kisha nën kontroll shëndetin e fëmijës tim. Kjo ishte shumë emocionuese. Në fund u bëmë mikesha. Lindja ishte shumë emocionuese për mua, ishte e mahnitshme?– ka thënë modelja./CNA.al





Lajmet e fundit nga