web counter
LEXO PA REKLAMA!

SHKARKO APP

App Store
Google Play

Diferencat mes kreut dhe mbijetesës, si ndryshon renditja e Serie A pas kësaj jave

8 Shkurt 2022, 10:08, Sport CNA

Kemi lënë pas një javë spektakolare në Serie A, sidomos për sa i përket ndryshimeve në renditjen e përgjithshme. Kryesuesit e kampionatit Interi u mposht në derbin e Milanos dhe tashmë diferenca mes dy ekipeve është vetëm një pikë. Po një pikë është diferenca edhe me Napolin që mposhti Venezian, megjithatë zikaltrit kanë ende një ndeshje për të rikuperuar me Bolognan.

Vlahovic dhe Zakaria e tregojnë veten që në debutim dhe Juventusi merr tre pikë që e çojnë në zonën Champions. ?Zonja e Vjetër? ndodhet tashmë në vendin e katërt, 2 pikë më shumë se Atalanta, që ka një ndeshje më pak.

Mund të konsiderohet në krizë Atalanta pas rezultateve zhgënjyese në ndeshjet e fundit, ndërsa këtë javë u mposht në shtëpi nga Cagliari. Ata zbresin në vendin e pestë, ndërsa në vendin e gjashtë qëndron Lazio e cila më në fund ka treguar një pjesë nga filozofia e lojës së Sarrit.

Me pikë të barabarta me Lazion qëndrojnë edhe rivalët e qytetit Roma. Ndryshime në fundin e tabelës ku Cagliari ka lënë zonën e ftohtë dhe është ngjitur në vendin e 17-të, 2 më shumë se Venezia që tashmë zbret në zonën ku rrezikon rënien nga kategoria.





Lajmet e fundit nga