web counter
LEXO PA REKLAMA!

SHKARKO APP

App Store
Google Play

E fundit!

x

Krizë totale, Skënderbeu ka një një muaj e gjysmë që nuk shënon gol

3 Shkurt 2022, 08:50, Sport CNA

Skënderbeu vijon të notojë në ujëra të trazuara. Humbja në Kupë u pasua nga një tjetër disfatë në kampionat, sërish përballë Teutës. Në momentin kur të gjithë prisnin kthesën, bardhekuqtë dështuan sërish, duke mos treguar asgjë edhe në një ndeshje që u çua për t?u luajtur në Elbasan me pretendimin se një terren më i mirë do të favorizonte bardhekuqtë e Memellit. Por, edhe kjo ndeshje si ajo e Kupës tregoi të njëjtën tablo.

Edhe ndryshimet e Memellit nuk mjaftuan, pasi korçarët nuk arritën të zhbllokohen dot në finalizim. Pikërisht ky finalizim është ai që duket se po mundon më shumë ekipin në këtë pikë të kampionatit. I gjithë reparti i sulmit të Skënderbeut është nën akuzë, kjo për vetë faktin se korçarët kanë më shumë se një muaj që nuk shënojnë pikë. Për të qenë më të saktë, duke iu referuar edhe statistikave mes kampionatit dhe Kupës, Skënderbeu ka plot pesë takime që nuk po gjen dot rrugën e rrjetës. Goli i fundit që mban firmën e sulmuesve të Skënderbeut, por edhe i fundit i Skënderbeut në tërësi, është ai i 18 dhjetorit të vitit të kaluar.

Kjo situatë bën që Memelli të reflektojë dhe të kërkojë ndryshimin për të gjetur zgjidhjen e duhur në majë të sulmit. Por një gjë e tillë nuk funksionoi as në përballjen e dyfishtë me Teutën. Sikur të mos mjaftonte kjo, edhe në merkato mungoi sulmuesi aq shumë i kërkuar nga Memelli, çka sjell domosdoshmëri përshtatjeje me këta katër lojtarë të ofensivës. Normalisht që Memelli kërkon diçka ndryshe, dhe me shumë mundësi, analiza e sotme do të jetë me tone të larta për të kërkuar shkundjen e gjithë ekipit.





Lajmet e fundit nga