web counter
LEXO PA REKLAMA!

SHKARKO APP

App Store
Google Play

Katar 2022/ Fitojnë Brazili dhe Argjentina, ja të gjitha rezultatet

2 Shkurt 2022, 08:10, Sport CNA

Janë luajtur pesë ndeshjet e fushatës kualifikuese të Botërorit ?KATAR 2022? në Amerikën e Jugut. Brazili ka arritur të fitojë me ?poker? 4-0 ndaj Paraguajit në Belo-Horizonte.

Llogaritë e takimit u hapën me Rafinjan në minutën e 28?, duke pasuar me Filipe Kutinjon në minutën e 62?, me Entonin në minutën e 86? dhe Rodrigon në të 88?. Kombëtarja e Tites është e kualifikuar për në Katar teksa renditen të parët me 39 pikë, ndërsa Paraguaji në vendin e parafundit me 13 pikë.

Argjentina ka triumfuar minimalisht 1-0 ndaj Kolumbisë. Golin e vetëm të takimit e ka shënuar sulmuesi i Interit, Lautaro Martinez, i cili po bëhet gjithnjë e më vendimtar për kombëtaren ?Albiceleste?, duke parë se edhe në ndeshjen e kaluar kundër Kilit, goli i tij rezultoi deçiziv për fatet e takimit.

Argjentina me këtë sukses mban vendin e dytë në kuotën e 35 pikëve duke u kualifikuar për në Botërorin e këtij viti në Katar. Uruguaji ka fituar me rezultatin 4-1 ndaj Venezuelës.

Golat u shënuan nga Bentakur, De Arraskaeta, Kavanin dhe Luis Suarez. Goli i vetëm për venezuelianët u realizua nga Martinez. Peruja dhe Ekuadori janë ndalur në barazim 1-1. Golat u realizuan në minutën e dytë për Ekuadorin nga Estrada dhe për Perunë, Flores në të 69? minutë.

Kili ka fituar 2-3 në një fushë të vështirë siç është ajo e Bolivisë me rezultatin 2-3, ku sulmuesi i Interit, Aleksis Sançez ishte vendimtar me një dopietë.

Pikërisht ishte Sançez ai që hapi llogaritë e takimit në minutën e 14?, më pas u rikthye baraspesha me Enumbanë në minutën e 37?.

Espinoza realizoi për kilianët në minutën e 77? dhe ishte sërish Sançez që shënoi në minutën e 86?, ndërsa bolivianët shënuan golin e 2-3 në të 88? me anë të Morenos.





Lajmet e fundit nga