web counter
LEXO PA REKLAMA!

SHKARKO APP

App Store
Google Play

E fundit!

x

Nën hetim për pasurinë/ SPAK njofton KPA për Ardian Hajdarin, pritet pezullimi

31 Janar 2022, 09:04, Kronika CNA

SPAK ka njoftuar  Kolegjin e Posaçëm të Apelimit se ka nën hetime dhe se ka marrë të pandehur anëtarin Ardian Hajdari.

Tashmë është radha e KPA, që të procedojë më tej për Hajdarin, me pezullimin e tij, sipas Kushtetutës.

Para disa ditësh, SPAK hodhi në media lajmin se po hetonte për ?fshehje të të ardhurave dhe mosdeklarim i pasurisë?, anëtarin e KPA-së  rdian Hajdari.

Ky i fundit ka qenë  pjesëmarrës në dhjetra kolegje, të cilat kanë dhënë vendime mbi fatin e gjyqtarëve e prokurorëve në veting.

Hajdari është kallëzuar penalisht në qershor 2020 nga ish-magjistratët Antoneta Sevdari, Elsion Sadiku dhe Ervin Metalla.

Ky është rasti i dytë kur një anëtar i Komisionit të Vettingut merret në hetime nga SPAK.

Më herët, Luan Daci, u dënua me 6 muaj burg konvertuar në një vit shërbim prove dhe kushtin që mos ushtrojë funksione publike.

Hetimet e SPAK bindën Gjykatën e Posaçme kundër Krimit e Korrupsionit dhe Apelin e GJKKO të dënojë Luan Dacin me akuzën e falsifikimit.

Tani në Kolegjin e Posaçëm të Apelimit kanë mbetur vetëm 5 anëtarë. /E.S-CNA.al





Lajmet e fundit nga