web counter
LEXO PA REKLAMA!

SHKARKO APP

App Store
Google Play

E fundit!

x

Balluku inspektim në Qafë Thanë/ Të gjitha akset rrugore të hapura për qarkullimin e automjeteve

29 Janar 2022, 17:24, Aktualitet CNA

Në të gjitha akset rrugore të vendit po punohet për të garantuar qarkullimin pa problematika të të gjitha automjeteve, pavarësisht situatës së motit. Në terren janë të angazhuara një numër i madh mjetesh të rënda dhe punonjësish të cilat kanë bërë të mundur vijimin normal të qarkullimit në të gjitha akset nacionale.

Ministrja e Infrastrukturës dhe Energjisë, Belinda Balluku, së bashku me Drejtorin e Autoritetit Rrugor Shqiptar, Evis Berberi ishin në Qafë Thanë ku ndoqën nga afër punën që po bëhet për mirëmbajtjen e këtij aksi rrugor, pavarësisht reshjeve të dëborës dhe temperaturave të ulëta.

Në një postim në rrjetin social, Balluku shkruan se deri tani akset rrugore janë të kalueshme, pavarësisht motit të rënduar, ndërsa shpreh gatishmërinë se deri në fund të sezonit yë dimrit do të ketë një angazhim të lartë të strukturave për të mbajtur rrugët e hapura.

?Në Qafë Thanë për të ndjekur nga afër punën që po bëhet për mirëmbajtjen dimërore të akseve rrugore. Jemi në terren, me të gjitha forcat, për të garantuar qarkullimin normal të automjeteve dhe mbi të gjitha duke ofruar siguri rrugore. Ja kemi dalë me sukses deri më tani, pavarësisht motit të rënduar që përfshiu vendin dhe do të vijojmë me po të njëjtin përkushtim deri në fund të sezonit të dimrit për të mbajtur të hapura të gjitha akset rrugore në vend?, shkruan Balluku./E.K-CNA.al

 

 

A post shared by Belinda Balluku (@belindaballuku)





Lajmet e fundit nga