E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Vrasja e 4 personave në bulevard/ Klodiana Lala reagon ashpër: Ja pse nuk është zbardhur ngjarja

21 Janar 2022, 20:01, Aktualitet CNA

Vrasja e 4 personave në 21 janar 2011 në bulevardin Dëshmorët e Kombit nuk ka ulur në bankën e të akuzuarit asnjë fajtor.

Gazetaria Klodiana Lala ka reaguar, duke u shprehur se vendi jonë nuk ka drejtësi dhe si e tillë kjo ngjarje nuk ka për tu zbardhur asnjë herë.

Në një postim në rrjetin social Facebook, ajo shkruan se politika mundohet çdo vit të lëndojë familjarët e katër viktimave. Ndër të tjera ajo thotë se: ?Në djall SPAK e kush e krijoi atë strukture parazite me njerëz të padenjë e pa shtylle kurrizore që nuk ka kurajon të hetojnë 21 janarin. Sepse vetëm drejtësia mund të qetësojë shpirtrat?.

Reagimi i Lalës:

A i zbardhi drejtësia e re, vrasjet e 4 qytetarëve më 21 janar?

Ju gënjeu mendja që do ta bënte? Jo ore Jo nuk do të bëhet drejtësi. Sepse koncepti drejtësi në këtë vend ka vdek.

S?do ta ndëshkojnë Berishën e as Bashën. Njëri PM e tjetri MB, në kohën kur ndodhi krimi, të cilët duhet të ishin ndëshkuar me kohë.

Duhet të kishin marrë dënimin për krimin në mes të Bulevardit.

Por jo. Në Shqipëri nuk ndodh kështu. S?bëhet drejtësi.

E mbani mend më 21 janar 2021, kur gjoja rihapen hetimet?

Ku janë rezultatet? Çfarë veprimesh hetimore janë kryer? U riekspertua predha që mjekët turq hoqën nga trupi i Aleks Nikës?

Po pamjet e serverit të Kryeministrisë a u siguruan? Se kështu thanë analistët nëpër studio atë kohë.

Ah s?ka të reja nga hetimet?

Normal u bë lëvizja taktike e radhës sepse i duhej Edi Ramës në pushtet (organizator i demonstratës së dhunshme, që u thirr pas videos së Ilir Metës me laps e letër në dorë) se do dilte në Bulevard të vinte lule te vendi ku u vra Hekurani (të cilin e kam njohur që femijë), Aleksi, Ziveri apo Faiku. I duhej sepse do thërriste: do bëjmë drejtësi.

Boll boll boll luajtët me dhimbjen e familjarëve.

E kam ndjekur procesin nga afër, (madje isha dhe shtatzënë). E kam përjetuar dhimbjen e atyre familjarëve.

Kam biseduar shpesh me familjarët e viktimave, më së shumti me xhaxhain e Aleksit e vëllain e Hekuranit dhe e di sa shumë të etur janë për drejtësi. E di sa shumë të rebeluar janë për mungesën e drejtësisë.

E pashë dhe sot rrebelimin në sytë e Anës (e di, i dhemb shpirti).

E kanë kuptuar dhe ata që gjithçka thuhet në emër të 4 viktimave është një lojë e fëlliqur politike. Sepse

përtej show të politikës, kanë kuptuar një gjë; këta që vetëquhen lider, që na kanë drejtuar e po na drejtojnë, njëri-tjetrit mishin ja hanë, por kockën ja ruajnë.

Në djall SPAK e kush e krijoi atë strukture parazite me njerëz të padenjë e pa shtylle kurrizore që nuk ka kurajon të hetojnë 21 janarin. Sepse vetëm drejtësia mund të qetësojë shpirtrat!/E.K-CNA.al