E fundit!

18:05 Aktualitet

Miratohet nisja e negociatave për heqjen e roaming me BE, së shpejti tarifa të njëjta kur udhëtoni

Këshilli Europian njoftoi sot miratimin e hapjes së negoci...

Rritja e rasteve me Covid/ Ulqinaku: Jemi në pikun e infektimeve, ja kur do marr fund pandemia

21 Janar 2022, 15:03, Lifestyle CNA

Varianti i ri i virusit, Omicron, ka prekur më shumë moshat e reja dhe fëmijë, ndërsa moshat e treta kanë qenë më pak të riskuara.

Por sipas ekspertëve, aktualisht vendi jonë ndodhet në pikun e infektimit dhe se në mes të muajit shkurt do të ketë një trend të rënies së kurbës së infektimit.

Nëndrejtori i ISHP Dritan Ulqinaku, në një intervistë për A2, u shpreh se në sezonin e vjeshtës nuk do u kthehemi më prekjeve nga virusi.

?Jemi në ditët e nxehta dhe kjo do të thotë që parashikimet tona thonë që edhe 10 ditë shifrat mund të tejkalojnë pritshmëritë. Jemi në pikun e qarkullimit të Omicron dhe të infeksioneve virale në vendin tonë. Padiskutim që përmbysja e shifrave është rrjedhojë e Omicron. Nëse me Deltën kishim pikun e rasteve deri në 1 mijë, me Omicron kaloi në 2800 raste në ditë.

Ne kemi dyshime serioze që na kanë dalë të pranueshme, por nuk e themi dot 100%, por në laborator themi që është i ngjashëm me Omicron dhe Deltën. Moshat më të prekura janë 20-40 vjeç, pastaj mosha pediatrike dhe për fat mosha e tretë pak, më e përkëdhelur nga qarkullimi i virozave.

Besoj që ditët e para të shkurtit do të vazhdojë me intensitet të lartë me rritje ose në këto shifra. Nga mesi i shkurit do të kemi një trend rënie dhe besoj në vjeshtë nuk do t?i kthehemi këtyre muhabeteve. Fakti që disa vende kanë filluar të lehtësojnë masat kanë arritur një mendim të bazuar në studime se jemi afër imunitetit të tufës. Kjo valë do të jetë e fundit shqetësuese për vendin tonë. Historia na bën të jemi optimistë, që me kalimin e valës së dytë apo të tretë virusi zbutet.

Vetëm një çudi do të sillte një ashpërsim të koronavirusit. Nëse flasim për këtë pandemi, nuk duhet të presim çudira. Do të ishte mirë ta kalonim të gjithë se imuniteti natyror është më i mirë se ai i fituar. Edhe për 2 muaj do të dëgjojmë përditë jetët e humbura si pasojë e këtij virusi. Ne kemi në dorë edhe mbylljen e pandemisë. Nëse duam t?i kthehemi një qetësie duhet të vaksinohemi. Nuk është kurrë vonë që të marrim vaksinën?, tha Ulqinaku./E.K-CNA.al