web counter
LEXO PA REKLAMA!

SHKARKO APP

App Store
Google Play

Ekzekutimi i efektivit të FNSH-së Xhulio Prela/ Si u gjet pistoleta me të cilën u krye krimi

18 Janar 2022, 09:04, Kronika CNA

Prokuroria e Lezhës ka mbyllur hetimet dhe ka dërguar për gjykim dosjen e vrasjes së efektivit të Forcave të Ndërhyrjes së Shpejtë të Shkodrës, Xhulio Prela, ngjarje e ndodhur në muajin dhjetor të vitit 2020 në Gajush të Lezhës.

Të pandehur për këtë ngjarje janë marrë dy persona Redion Hysa dhe Nikoll Sherniku.

Kujtojmë se Hysa u arrestua disa ditë pas vrasjes së efektivit të Reneas bashkë me kushëririn e tij për nje tjetër rast dhe jo për vrasjen e Prelës.

Policia në atë kohë njoftoi se se gjatë kontrollit të banesës së Redion Hysën u gjetën dhe sekuestruan një armë zjarri automatik, model 56, kalibër 7.62 mm dhe një armë zjarri tip pistoletë TT me një krehër pa fishekë, model 54, kalibër 7.62 mm

Armën automatike, e kishte fshehur në një depozitë uji në banesën e tij për të mos u gjetur.

Përgjegjësia penale e Redion Hysës, u rëndua më vonë , pasi njëra nga armët, pistoleta e gjetur në depozitën e ujit që ndodhej mbi tarracën e shtëpisë së tij, ka rezultuar se ishte përdorur në ngjarjen e 5 dhjetorit 2020, ku mbeti i vrarë efektivi i FNSH-së, Xhuliano Prela.

Ekspertiza balistike, ka provuar shkencërisht se pistoleta që mbahej e fshehur në depozitën e ujit, ka kryer 3 qitje në fshatin Gajush të Lezhës, vend i cili u gjend i pajetë, efektivi i policisë.

Sipas ekspertëve, edhe predha, që i ka marrë jetën punonjësit të policisë, është nxjerrë nga arma e gjendur në banesën e Redion Hysës.

Sipas hetimit të kryer dhe dëshmisë së punonjësve të karburantit ku ka ndodhur vrasja e Xhuliano Prelës, , kanë qenë dy makina njëra fuoristradë dhe tjetra tip ?Golf 3?, e përshtatur për gjueti. Makina tip ?Golf 3? që roja i karburantit ka treguar qysh në 5 dhjetor në polici, aktualisht është e bllokuar dhe i përket pikërisht, Redion Hysës./CNA.al





Lajmet e fundit nga