E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

Berisha drejt krijimit të një partie të re?/ Ish-presidenti ngre dyshimet

14 Janar 2022, 13:54, Politikë CNA

Ish-presidenti Bamir Topi ka komentuar zhvillimet në Partinë Demokratike.

Duke folur në një studio televizive, Topi ka hedhur dyshime, se Berisha po shkon drejt krijimit të një partie tjetër.

Sipas tij, ish-kryeministri ka vetëm dy rrugë për të qenë pjesëmarrës në zgjedhjet e ardhshme, që janë ?o do të fillojë një goditje nga brenda për të sulmuar pjesën zyrtare, ose do t?i fitojë sa më shumë masë elektorale brenda partisë për t?u ndarë në parti më vete?.

?Po të shikoni, të gjithë faktorët e rëndësishëm shkojnë te pjesa zyrtare, për momentin, por si do të jetë perspektiva, ajo nuk matet në luftën mes vetit. Këta që kanë frymën, juridikisht nuk kanë asnjë lloj të drejte për të mbajtur kontaktin me KQZ, kështu që kandidatët do të vijnë pikërisht nga ata që kanë rezultatin. Kur vjen puna në përballjen me kundërshtarin real politik, të gjitha të drejtat i ka pjesa zyrtare. Dy janë zgjidhjet, o do të fillojë një goditje nga brenda për të sulmuar pjesën zyrtare, ose do t?i fitojë sa më shumë masë elektorale brenda partisë për t?u ndarë në parti më vete. Do shikoni që do ta ketë betejë intensive. Nuk është më i vetëm siç ka qenë në foltore, por do të jetë i gjithë Komisioni i Rithemelimit. Praktikisht, ai po projekton një strukturë ndoshta të një partie tjetër.?-tha Topi.

Duke u ndalur te deklaratat e zyrtarit të lartë amerikan, Gabriel Escobar, i cili dënoi dhunën në protestën e 8 janarit, Topi theksoi se ky ishte një rast i rrallë, kur një zyrtar amerikan bën komente rreth ngjarjeve brenda një partie politike.

?Mendoj që ky është një nga rastet e rrallë, kur një zyrtar i lartë amerikan bën komente rreth ngjarjeve brenda një partie politike. Ka bërë koment, sepse situata në Shqipëri është gjithmonë siu-gjeneris, fillon brenda një subjekti politik dhe degjeneron. E gjej deklaratën e tij më se normale, se vjen nga një zyrtar i një vendi demokratik, që thotë se fuqi vjen përmes votës dhe jo dhunës. Është një parim i pranuar, madje i pakontestuar. Nuk kam asnjë lloj pozicionimi subjektiv ndaj karshi Bashës apo Berishës, por problemi është se ata e kanë në dorë, ne arsyetojmë, bëjmë analiza. Problemi është se ku është vota, ku është mekanizmi?-u shpreh Bamir Topi./CNA.al