LEXO PA REKLAMA!

SHKARKO APP

Akuzat për fshehje pasurie/ Murrizi flet me emra: Kush janë tre ish-sigurimsat që kërkojnë hakmarrje

11 Janar 2022, 21:37, Aktualitet CNA
Akuzat për fshehje pasurie/ Murrizi flet me emra: Kush janë tre

Ish-deputeti Myslim Murrizi e ka konsideruar si ?pisllëk të gatuar nga tre ish-oficerë të Sigurimit’ akuzat që i ka bërë policia në prokurorinë e Tiranës për mosdeklarim dhe fshehje pasurie.

I ftuar në emisionin ‘Repolitix’ Murrizi tha se kjo është një hakmarrje e ulët që i bëhet atij pas denoncimit që ai bëri në SPAK për tenderët korruptivë të uniformës së Policisë së Shtetit.

Pas kësaj hakmarrje, thotë Myslim Murrizi qëndrojnë sipas tij Tonin Vocaj, Arben Dashi dhe Hekuran Bregu.

Pisillëk i gatuar nga tre ish-oficerëve të sigurimit të shtetit. Tre vemje që i shërben çdo lloj pushtet pasi mbijetojnë me lëpirje. Në kuadër të një tentativë për një hakmarrje të pistë ndaj denoncimit që Murrizi ka bërë për tenderët korruptive të uniforma të policisë së shtetit.

Jemi në një fazë sugjerimi për prokurorinë e Tiranës. Deri tani nuk jam thirrur. Ish-sigurimsat Tonin Vocaj, Arben Dashi dhe Hekuran Bregu, të cilët mendojnë akoma se janë në kohën e tyre. Kodi i procedurës penale duhet të më njoftojë. Nuk më intimidojnë dot tre palaço që u ka kaluar koha. Që në fillim të relacionit të një kamikazi, që s’dua t’ja përmendin emrin, thuhet se Myslim Murrizi është dënuar me tre vjet, dhe kjo është një gënjeshtër. Por të kisha qenë i dënuar, do të kisha humbur mandatin. E kam deklaruar në formularin e dekriminalizimit në gusht të 2017. Në një shtet demokratik quhesh i dënuar kur merr dënim nga të tre shkallët e gjyqësorit. Që në nisje është një grykësi e një grushti të vogël përfituesish real. Në dëshminë e penalitetit rezultoj i padënuar. Ky është vendim i gjykatës së lartë.

I ftoj që të hetojnë, nëse është hetuar Murrizi si deputet. Nuk ka tagër policia të hetojë një deputet, pasi për deklarim pasurie duhet ta raportojë ILDKP-ja.  Ka një hetim të përgjithshëm që fillon që nga 2002. Pse nuk merren me hetimin e deputetëve që kanë biznese dhe ministra. Pse nuk nisin te bëjnë hetimin me mua. Duan të kontrollojnë ish-deputetë biznesmenë, të shkojnë tek kolegët e mi, tek Sadri Abazi, Tom Doshi, Anasas Angjeli, le të shkojnë.’- u shpreh Myslim Murrizi./CNA.al

Lajmet e fundit nga