web counter
LEXO PA REKLAMA!

SHKARKO APP

App Store
Google Play

E fundit!

x

Atentati në Fushë-Krujë/ Zbardhet dëshmia e Bejtjas e Stafukës, çfarë u gjet në vendngjarje

10 Janar 2022, 10:51, Kronika CNA

Janë zbardhur të tjera detaje nga atentati që ndodhi mbrëmjen e djeshme në fshatin Larushkë, pranë Niklës në Fushë-Krujë.

Gentjan Bejtja dhe Klodian Stafuka u paraqitën pranë Spitalit të Traumës të plagosur.

Ngjarja ndodhi pranë një karburanti, ndërsa të dy ata ishin duke lëvizur me makinë, në momentin që janë qëlluar.

Lidhur me ngjarjen mësohet se policia ka shoqëruar katër persona që mund të kenë dijeni për ngjarjen.

Nga marrja në pyetje dy personat që ishin shënjestër e atentatit pak të dhëna i kanë dhënë policisë.

?Ishim në Fushë-Krujë e po ktheheshim në shtëpi. Na doli në rrugë një makinë e zeze që qëlloi në drejtimin tonë. I dhamë makinës gaz që të shpëtonim nga plumbat. Nuk e pamë kush na qëlloi, vetëm dëgjuam breshërinë e plumbave. U shmangëm sa mundëm për teë shpëtuar. Nuk i pame kush ishin se dolën nga errësira e na qëlluan?, kanë deklaruar Bejtja e Stafuka.

Nga hetimet policia thotë se në vendin e atentatit nuk kanë mundur të sigurojnë pamje filmike që mund t?i çonin drejt identifikimit të autorëve.

Ndërkohë në vendin e ngjarjes janë gjetur 10 gëzhoja, të cilat janë administruar nga hetuesit./CNA.al





Lajmet e fundit nga