web counter
LEXO PA REKLAMA!

SHKARKO APP

App Store
Google Play

E fundit!

x

Këtë vit do të triumfojë e vërteta kundër tiranisë së Covid-19

8 Janar 2022, 09:35, Politikë CNA

Nga Ron Paul ?Newsmax?

Për ne që e vlerësojmë lirinë, këto 2 vitet e fundit kanë qenë një ëndërr e keqe, një makth. Duket sikur na zuri gjumi në fillim të vitit 2020 dhe u zgjuam në vitin 1984!Ata na thanë

se nëse mbanim një maskë në fytyrë dhe qëndronim në shtëpi për dy javë, do të ishim në gjendje të riktheheshim në normalitet.

Dy javët erdhën dhe shkuan, dhe në vend se të ktheheshin në normalitet ata na vendosëm akoma më shumë kufizime. Këto dy vitet e fundit kanë qenë një histori e ?ekspertëve? si Entoni Fauçi që kundërshtojnë vazhdimisht veten e tyre.

Në fillim, në prillin e vitit 2020, unë paralajmërova në një artikull me titull ?Tirania e koronavirusit:Vaksinimet e detyrueshme dhe ?certifikatat dixhitale?, se qëllimi përfundimtar i ithtarëve të bllokimeve, ishte të impononin vaksinimin e detyrueshëm dhe pajisjen e amerikanëve me një ?pasaportë vaksinimi?.

Në atë kohë shqetësimet e mia u përqeshën si një tjetër teori konspirative. Por nëmë pak se një vit më vonë, ajo ?teori konspirative? u bë një fakt konspirativ. Unë nuk jam i lumtur që kam të drejtë për këtë çështje.

Futja në përdorim e pasaportave të vaksinës, ishte që në fillim makthi im më i keq. Ideja se duhet të ?tregosh letrat? ??për të qenë pjesë e shoqërisë, është një koncept totalisht i kundërt me idealet dhe parimet e një shoqërie të lirë. Kjo qasje është çnjerëzore.

Historia e këtyre 2 viteve të fundit, është se idetë më të këqija janë adaptuar me forcë, dhe kushdo që i vë në dyshim ato ide është censuruar me forcë. Kohët e fundit mësuam se dr. Fauçi dhe drejtori i Institutit Kombëtar të Shëndetit, komplotuan midis tyre për të shkarkuar nga detyra shkencëtarët e nderuar që qëndrojnë pas Deklaratës së Madhe Barrington.

A gabuan vërtet aq rëndë shkencëtarët e Deklaratën Barrington? Fauçi dhe shefi i tij nuk ishin të interesuar për një debat mbi këtë temë. Qëllimi i tyre i vetëm ishte të shtypnin çdo lloj pikëpamje të kundërt me atë zyrtare.

Por kjo e tyrja nuk është shkencë. Është ideologji, politikë dhe ndoshta edhe interes vetjak. Siç është shprehur edhe djali im, senatori republikan Rand Paul, në një raport të kohëve të fundit të ?Liberty?, mijëra njerëz vdiqën sepse Fauçi refuzoi të merrte në konsideratë efektivitetin e provuar të imunitetit natyror kundër Covid-19.

Ai dhe kolegët e tij ishin të vendosur që t?u mohonin të sëmurëve çdo trajtim ambulator, dhe këmbëngulën tek vaksinat si e vetmja rrugëdalje. Tani, teksa shohim vaksinat që po performojnë kaq dobët në krahasim me imunitetit natyror, e gjithë strategjia e tyre po tregon dobësitë e veta.

A do t?u kërkojë dikush falje të afërmve të të gjithë atyre që vdiqën?Kur i kthejmë sytë pas përgjatë këtyre 2 viteve, shpresojmë se një gjë që do të mbahet mend, është mënyra se si institucionet e pushtetit shtetëror e kanë humbur të gjithë besueshmërinë e tyre.

Ata janë ekspozuar para opinionit publik si gënjeshtarë dhe më keq sesa kaq. Në një intervistë të kohëve të fundit që dha për Xho Rogan, dr.Robert Malon – shpikësi i teknologjisë mRNA, e cila është shtylla kurrizore e ?vaksinave?- flet mbi konceptin shqetësues të psikozës së formimit masiv, ku frika dhe manipulimi përdoren për të çmendur një shoqëri të tërë, në funksion të interesave të një grupimi elitash me një axhendë të qartë në kokën e tyre.

Ne e kemi parë diçka të ngjashme në Gjermaninë e viteve 1930. Siç shkroi Çarls Mekei në shekullin XIX-të mbi marrëzinë e turmave, njerëzit çmenden në grupe, por shërohen një nga një. Atëherë çfarë duhet bërë për të mposhtur tiraninë në vitin 2022?

Ne duhet të vazhdojmë të themi të vërtetën. E vërteta po fiton, dhe gënjeshtarët po humbasin. Gënjeshtrat e tyre po demaskohen një e nga një. Por nuk është një detyrë e lehtë. Secili prej nesh në vitin 2022, mund të bëjë diçka të vogël për të promovuar të vërtetën. Bëj atë që mundesh. Përfitimet do të jenë shumë të mëdha.

Shënim:Ron Paul është mjek, publicist dhe ish-kongresmen republikan. Ai ka qenë dy herë kandidat presidencial nga Partia Republikane, dhe kandidati presidencial i Partisë Libertariane në zgjedhjet presidenciale të vitit 1988 në SHBA.

Përkthyer dhe përshtatur nga CNA.al





Lajmet e fundit nga