web counter
LEXO PA REKLAMA!

SHKARKO APP

App Store
Google Play

EKSKLUZIVE/ Mungon vetëm zyrtarizimi, Frashëri flet si futbollist i Skënderbeut: Do luaj me ekipin e zemrës, tifozëve iu premtoj që...

27 Dhjetor 2021, 21:57, Sport CNA

Mungon vetëm zyrtarizimi, Erlis Frashëri do të jetë përforcimi i parë i Skënderbeut në merkaton e janarit. Lajmi është konfirmuar nga vetë futbollisti korçar, në një bashkëbisedim me gazetarin e “CNA”.

“Po është e vërtetë që do të jem pjesë e Skënderbeut, këto ditë kryet gjithçka”, u shpreh fillimisht Frashëri.

Për 33-vjeçari, Skënderbeu është ekipi i zemrës, dhe rikthmi në qytetin e tij është tepër special.

“Për sa i përket kontratës, nuk e di ende si do të biem dakord. Rëndësi ka që unë do të rikthehem në shtëpinë time, për të luajtur me ekipin e zemrës. Për mua kjo është një ndjesi e veçantë.

I premtoj të gjithë tifozëve, që do të jap maksimumin në fushë dhe do të bëj më të mirën për Skënderbeun. Tifozët janë krenaria e qytetit, së bashku në fund do t’i bëjmë të gjithë të lumtur”, u shpreh Frashëri për “CNA”.

33-vjeçari ka qenë pjesë e Skënderbeut në sezonin e largët 2008-2009 dhe më pas ka ndërruar shumë ambiente duke provuar të luajë me ekipe të ndryshme në elitën e futbollit shqiptar, ku veç të tjerash spikasin Teuta dhe Partizani.

Korçari është një lojtar, që mbulon të gjithë fushën, megjithëse si pozicion të tij ka krahun e djathtë, ndërsa luan me lehtësi edhe në krahun e majtë duke u shndërruar në një xhol për Memellin.

Frashëri i dha fund “emigrimit”, pas aventurës te Drenica në Kosovë.





Lajmet e fundit nga