web counter
LEXO PA REKLAMA!

SHKARKO APP

App Store
Google Play

E fundit!

x

Covid “paralizon” Europën/ Kush është shteti me infektimet më të larta

26 Dhjetor 2021, 14:55, Lifestyle CNA

Varianti i ri i Covid, Omicron ka vijuar të paralizojë botë, ku festimet dhe grumbullimet tashmë nuk janë më një realitet.

Të gjitha shtetet europian kanë marrë një sërë masash parandaluese dhe dhe vaksinimi masiv po vijon, por pavarësisht kësaj, rritja e rasteve vijon të jetë prezente.

Sipas të dhënave zyrtare nga coronavirus.jhu.edu, bëhet me dije se në 28 ditët e fundit në Francë janë regjistruar 1,501,626 raste të reja dhe 3,681 humbje jete. Ndërsa janë regjistruar edhe 16,881,476 persona të vaksinuar.

Ndërsa në Gjermani, rastet totale me Covid kanë qenë 1,219,203 ndërsa janë regjistruar edhe 9,480 humbje jete në 28 ditët e fundit. Po ashtu, janë vaksinuar edhe 25,452,370 qytetarë.

Rritja e rasteve ka vijuar edhe në shtetin fqinj, Greqi. Në 28 ditët e fundit, janë regjistruar 150,150 raste të reja dhe 2489 humbje jete, si dhe 2,674,945 qytetarë janë vaksinuar.

Italia në një bilanc gati 1 muaj ka regjistruar 627,540 rste të reja dhe 2,903 humbje jete. Numri i të vaksinuarve në këtë shtet ka shkuar në 12,813,913.

587,078 raste të reja janë regjistruar në Spanjë në 28 ditët e fundit dhe 1,064 humbje jete.

Ndërsa numri i të vaksinuarve ka arritur në 8,841,526.

Nga raportimet zyrtare në 28 ditët e funsit, Francë është shteti më i prekur nga Covid, ndërsa numrin më të lartë të humbjes së jetëve e ka Gjermania./CNA.al





Lajmet e fundit nga